یەکەم راهێنەر لە خولی ئەستێرەکانی عێراق وازی لە ئەرکەکەی هێنا
یاریگا –
دوای بەڕێوەچوونی شەش گەڕ لە یارییەکانی، یەکەم راهێنەر لە خولی ئەستێرەکانی عێراق دەستی لەکار کێشایەوە.
حەیدەر عەبدولئەمیر راهێنەری حدود بووە یەکەم راهێنەر لە وەرزی نوێی خولی ئەستێرەکانی عێراق دەستی لەکار کێشایەوە و بەفەرمی یانەکەی جێهێشت، حدود دوای تێپەڕ بوونی شەش گەڕ هیچ خاڵێکی نیە و شەش شکستی هەیە و لە کۆتایی ریزبەندی یانەکانی خولی ئەستێرەکانی عێراقە.
لە بەیاننامەیەکدا دەستەی کارگێڕی حدود دوای قبوڵکردنی دەست لەکارکێشانەوەی حەیدەر عەبدولئەمیر، هیوای سەرکەوتنیان بۆ لە داهاتوودا بۆ راهێنەرەکە خواست و سوپاسیان کرد بۆ ئەو ماوەیەی کە ئەرکی راهێنەرایەتی تیپەکەی کردووە.
حەیدەر لە پێشووتردا یاریدەدەری راهێنەر بووە لە زەوڕا و وەرزی 2022 _ 2023 چەند یارییەک راهێنەری یەکەمی زەوڕا بووە، دواتر ئەرکی راهێنەرایەتی هەریەک لە یانەکانی زاخۆ و هەولێر و حدودی کردووە.
