ریاڵ مەدرید ئەستێرەیەکی چێڵسی دەوێ
یاریگا –
یانەی ریاڵ مەدریدی خواستەکانی خۆی لە توانای ئەستێرەیەکی چێڵسیدا دەبینێتەوە و کردوویەتی ئامانجی گواستنەوەکانی.
یانە شاهانەکە هەر لە دوای رۆیشتنی تۆنی کرۆسەوە، دووچاری قەیرانێکی گەورە بووەتەوە لە هێڵی ناوەند و ئۆرێلین چوامینیش نەیتوانیوە کاریگەریەکی ئەوتۆ لەو پێگەیەدا دروستبکات، هەر بۆیە چەند رۆژێکە دەنگوباسی فرۆشتنی زۆر بە گەرمی بڵاوبووەتەوە.
بەگوێرەی زانیارییەکانی پێگەی فیچاخێسی ئیسپانی، مەدرید دەیانەوێ چوامینی بدەن بە چێڵسی وەک بەشێک لە مامەڵەی گواستنەوەی ئینزۆ فێرناندێز.
ئەو سەرچاوەیە زانیویەتی کە خودی کارلۆ ئانچیلۆتی راهێنەر کەسایەتی ئەستێرە ئەرجەنتینیەکەی دەوێت بۆ تیمەکەی.
ئینزۆ یەکێکە لە گرانبەهاترین گواستنەوەکان لەسەر ئاستی خولە بەهێزەکانی ئەوروپا کاتێک دوای تەوابوونی یارییەکانی مۆندیالی 2022 وەک پاڵەوانێک لە زستانی 2023 بە بڕی نزیکەی 107 ملیۆن پاوەند لە بەنفیکاوە گواسترایەوە بۆ ستامفۆردبریج.
