تۆنی کرووس: تامەزرۆی یاریکردن لەگەڵ ئێمباپێ نەبووم
یاریگا –
تۆنی کرۆس دەڵێت، هاتنی ئێمباپێ نەبوو هۆکارێک تاوەکوو لە بڕیاری وازهێنانم پەشیمان ببمەوە و زۆر تامەزرۆی یاریکردن لە تەنیشتیەوە نەبووم.
بڕیارە کتوپڕەکەی کرۆس بۆ ماڵئاواییکردن لە جیهانی تۆپی پێ لە تەمەنی 34 ساڵیدا، لەکاتێکدا هێشتا لە لوتکەی یاریی کردنیدا بوو و دەیتوانی لانیکەم بۆ چەند ساڵی داهاتوو لە پێکهاتەی ئەم تیپەدا بەردەوام بێت، زۆرێک لە یاریزانەکان هەروەها هاندەرانی تۆپی پێ تووشی شۆک کرد.
بەڵام ماوەیەک پێش ئێستا ئەم بڕیارەی دابوو و هیچ شتێک نەیدەتوانی پاشگەزی بکاتەوە، بڕیاری دابوو کاتەکانی لە چوارگۆشەی سەوزدا کۆتایی پێبهێنێت بۆ ئەوەی بتوانێت کاتێکی زیاتر لەگەڵ منداڵەکانی و خێزانەکەی بەسەر ببات.
🗣 Toni Kroos: “If I was curious to play with Mbappé? No. This decision doesn’t depend on a player who comes or goes, this was my decision. I knew Mbappé was coming and I’m happy because he’s going to help the team. It could have been two years ago, but now he’s finally here. But… pic.twitter.com/hxNhWD2I3N
— Madrid Xtra (@MadridXtra) October 21, 2024
لە چاوپێکەوتنێکدا لەگەڵ رۆژنامەی مارکا، ئەستێرە ئەڵمانییەکە کاتێک پرسیاری لێکرا کە ئایا یاریکردن شانبەشانی ئێمباپێ دوودڵی نەکردی بەردەوام بێت لە یاری تۆپی پێ، گوتی:
نەخێر، ئەوە بڕیارێک نەبوو لەسەر یاریزانێک کە بڕیارە بێت یان بڕوات، بڕیارەکەم کاتیک دابوو کە دەمزانی ئێمباپێ دێت و دڵخۆش بووم بەو شتە چونکە دەتوانێت یارمەتی تیپەکە بدات. لە کۆتاییدا یاریی کردن شانبەشانی ئێمباپێ کاریگەری لەسەر بڕیارەکەم نەبوو.
کرووس پێشتر لەژێر سەرپەرشتی کارلۆ ئەنچیلۆتی، زینەدین زیدان و یواخیم لۆف یاریی کردووە، لە دوای وازهێنانی لە یاریی کردن ئێستا سەرقاڵی وەرگرتنی بڕوانامەی راهێنەرایەتییە و بڕیاری داوە لەمەودوا وەکوو راهێنەر لە تۆپی پیدا بەردەوام بێت.
