مۆراتا هۆکاری جیابوونەوە لە خێزانەکەی ئاشکرا دەکات
یاریگا –
ئەلڤارۆ مۆراتا، هۆکاری راستەقینەی جیابوونەوەی لەگەڵ ئەلیس کامپێلۆی هاوژینی ئاشکرا دەکات و جەختی لەوە کردەوە کە پەیوەندی بە ناپاکییەوە نەبووە.
ئەم دوو هاوسەرە لەماوەی رابردوودا دوای هەشت ساڵ هاوسەرگیری و هەبوونی چوار منداڵ لەیەکتر جیابوونەوە. دوو مانگ لەمەوبەر هەواڵێک بڵاوکرایەوە کە زۆر کەسی تووشی سەرسوڕمان کرد. دوای هەشت ساڵ هاوسەرگیری و چوار منداڵ، ئەلڤارۆ مۆراتا و ئەلیس کامپێلۆ لە رێگەی تۆڕە کۆمەڵایەتییەکانەوە جیابوونەوەیان پشتڕاستکردەوە.
ئەستێرە نوێیەکەی میلان لە کەناڵی “TVE ‘De Corazón” قسەی کرد و دڵنیای کردەوە کە بڕیارەکە کۆتاییە و گوتی:
“بە تەواوی دڵنیام و پەیوەندییەکە کۆتایی هاتووە”. ئێستاش لەبەر منداڵەکانمان پەیوەندییەکی باشمان هەیە.
لەوەتەی جیابوونەوەیان راگەیەندراوە، دەنگۆی ناپاکی و بێڕێزی لە نێوانیاندا زۆر بووە. ئێستا هێرشبەرەکەی میلان بۆ ئەلێکسیا ریڤاس، رۆژنامەنووسێکی ئیسپانی روون دەکاتەوە و دەڵێت:
بەهۆی رەفتاری کۆنتڕۆڵکردنی ئەلیس، نۆ ساڵ لەگەڵ دایک و باوکم نانی ئێوارەم نەخوارد. رێگری دەکرد لەوەی ئەمە رووبدات و دژی پەیوەندی خێزانی بوو. بەرگەی ئەم پرۆسەیەم نەگرت. هەموو سنوورەکانی بەزاندبوو.
🗣️ Álvaro Morata defiende a Alice Campello y desvela la razón real de su ruptura
⚽️ El jugador quiere acabar con los dimes y diretes, dejando claro qué ha llevado a su matrimonio al fracaso: no son terceras personashttps://t.co/yblPVTLOvL
— La Razón (@larazon_es) October 18, 2024
هاوکات خافێر دی ئۆڤیس رۆژنامەنووسی ئیسپانی بانگەشەی ئەوەی کردووە کە قسەی لەگەڵ مۆراتا کردووە و ئەویش ئەو زانیارییانەی رەتکردووەتەوە و دەڵێت:
ئەوەی ئەلڤارۆ مۆراتا پێم دەڵێت درۆیە کە ئەلیس کامپێلۆ کۆنترۆڵی کردووە یان لە خێزانەکەی دووری خستووەتەوە. ئەو هەموو ساڵانە پەیوەندی نێوانیان نایاب بووە، زۆر خۆشی دەوێت و زۆر رێزی لێدەگرێت و هۆکاری راستەقینەی جیابوونەوەکە شتێکی دیکەیە”.
ئەم رۆژنامەنووسە دڵنیایی داوە کە بە گوتەی ئەو یاریزانە تۆپی پێیە، جیابوونەوەکەیان لەبەر ئەم هۆکارە بووە و لێکتێنەگەیشتن هەبووە لە نێوانیان و بڕیاریانداوە کۆتایی بەو پەیوەندییە بهێنن.
