یاریگا –
راپۆرتە رۆژنامەوانیەكان داهاتووی لوكا مۆدریچ ئەستێرەی هەڵبژاردەی كرواتیا و یانەی ریال مەدریدی ئیسپانیان ئاشكرا كرد.
لوكا مۆدریچی تەمەن 39 ساڵان یاریزانێكی سەرەكی پێكهاتەی ریال مەدرید و كرواتیایە.
🇵🇱 3-3 🇭🇷
👉 @lukamodric10#NationsLeague pic.twitter.com/8vX6xR4LyP— Real Madrid C.F. (@realmadrid) October 15, 2024
بە گوێرەی زانیارییەكانی ماركا، مۆدریچ بیر لە وازهێنان ناكاتەوە، بەڵكو ئاڵنگارییەكانی نوێی لە پێشە كە دەیەوێت ئەنجامی بدات، نایەوێت ریال مەدرید جێبهێڵێت و لە یانەكە بەردەوام دەبێت، هەروەها رەتی ناكاتەوە كە لەگەڵ هەڵبژاردەكەی بەشداری لە یارییەكانی جامی جیهانی 2026 بكات.
لۆكیتا لەم وەرزەدا بەشداری لە سەرجەم یارییەكانی ریال مەدرید لە لالیگادا كردووە و دوو یاری چامپیۆنزلیگ و بەشداری یارییەكی سوپەری ئەوروپای كردووە.
لەگەل هەڵبژاردەكەشی بەشداری سێ یارییەكەی نەیشنزلیگی كردووە.
گرێبەستەكەی مۆدریچ لەگەڵ ریال مەدرید لە هاوینی ساڵی 2025 بەسەردەچێت.
