یاریگا –
یانەی ریال مەدریدی ئیسپانی بەیاننامەیەكی فەرمی دەربارەی كیلیان ئێمباپێ و دوو یاریزانی دیكەی بڵاوكردەوە.
ئێمباپێ لە یاری بەرامبەر دیپۆرتیڤۆی ئالاڤێس تووشی پێكان بوو بەهۆیەوە لە یاری دێربی بەرامبەر ئاتلێتیكۆ مەدرید بەشداری نەكرد و لە یاری بەرامبەر لیل گەڕایەوە.
ئێمباپێ بانگهێشتی هەڵبژاردەی فەڕەنسا بۆ دوو یاری رابردوو نەكرا و بە هەڵبژاردەكەی راگەیاند كە دەیەوێت تەنیا لە یارییە گرنگەكاندا یاری بۆ بكات.
Mbappé, Courtois y Lunin: trabajo especial en la Ciudad Real Madrid.#RMCity
— Real Madrid C.F. (@realmadrid) October 14, 2024
ریال مەدرید لە پلاتفۆرمی ئێكس بەیاننامەیەكی فەرمی بڵاوكردەوە و لە بەیاننامەكەشدا هاتووە:
كیلیان ئێمباپێ بەردەوامە لە تەواوكردنی پلانە تایبەتەكەی، هێرشبەرەكە بۆ ئەوەی لەو پێكانی ماسوولكەییە رزگاری بێت كاری زیاتر و راهێنانی زیاتر دەكات. لە ژێر راهێنەرایەتیكردنی ئانتۆنیۆ پینتۆس كە لە هۆڵی وەرزشیدا راهێنانی كردووە.
هەروەها لە بەیاننامەكەشدا هاتووە:
هەریەك لە تیبۆ كۆرتوا و ئاندرێ لونین لەژێر چاودێری راهێنەری گۆڵپارێزان راهێنانیان كردووە و كۆرتوا بەردەوامە لە چاكبوونەوە. یانەكە لە چاوەڕوانی گەڕانەوەی سەرجەم یاریزانە نێودەوڵەتییەكاندایە.
رۆژی شەممەی داهاتوو ریال مەدرید رووبەڕووی سێلتا ڤیگۆ دەبێتەوە.
