یاریگا –
مانچێستەر یونایتد ئەستێرەیەکی بە بڕە پارەیەکی زۆر کەم دەفرۆشێت لەکاتێکدا پێشتر گرانترین گواستنەوە بوو لەسەر ئاستی جیهان.
یانەکە بۆ سێیەم وەرز لەژێر سەرپەرشتی ئێریک تێن هاخ ئەنجامەکانی باش نییە و هاوینی رابردووش پێنج یاریزانیان گواستەوە کە سیان لەوانەی بۆ هێڵی بەرگری بوون؛ ئەوانیش ماتیاس دی لیخت، نوسەیر مەزراوی و لێنی یۆرۆ بوون کە ئەمە ئەمەی دوایینیان هەر لە یارییە ئامادەکارییەکان بۆ وەرزەکە تووشی پێکانێکی سەخت هات و تا ئێستا بەشدارینەکردووە.
بەگوێرەی زانیارییەکانی دەیلی ستاری ئینگلیزی، لە هەبوونی ئەو هێڵە نوێیەی بەرگری، مان یو دەیەوێ لەم زستانەی دەێت دەستبەرداری هاری ماگوایەر بێت. بۆ ئەو مەبەستەش بڕی تەنها 10 ملیۆن پاوەندی وەک نرخی بەرگریکارە 31 ساڵانەکە داناوە.
ماگوایەر لە ساڵی 2019 لە یانەی لیستەر سیتیەوە گواسترایەوە ئۆڵدترافۆرد. نرخەکەی ریکۆردشکێن بوو کە بەرگریکارێکی پێ گواسترابێتەوە. بەوپێیەی بڕی 80 ملیۆن پاوەند لەسەر خەزێنەی مان یونایتد کەوت. بەوەش پێش نرخی ڤێرجل ڤان دایکی دایەوە کە ئەم هۆڵەندیە لە زستانی 2018 بە بڕی 75 ملیۆن پاوەند لە ساوسهامپتنەوە گواسترابووەوە.
