بارسێلۆنا لەبارەی لامین یامال داوایەک لە ئیسپانیا دەکات

یاریگا –

بارسێلۆنا داوا لە ئیسپانیا دەكات، لە یاریی داهاتوودا مەترسی لەسەر لامین یامال درووست نەكەن و بیگەڕێننەوە.

رۆژنامەی سپۆرتی کەتەلۆنی ئاشکرایکردووە، یانەی بارسێلۆنای ئیسپانی داوای لە هەڵبژاردەی ئیسپانیا کردووە لامین یامال لە یاریی داهاتوو بەرامبەر سڕبیا لە خولی نەتەوەکانی ئەوروپا ئامادە نەبێت، بۆ ئەوەی سەرکێشی بەو یاریزانە 18 ساڵانە نەکرێت.

بارسا داوای لە دەستەی راهێنەرانی ئیسپانیا کردووە، سەرکێشی بە لامین یامال نەکەن و بیگەڕێننەوە بارسێلۆنا، کە لە یاریی بەرامبەر دانیمارک تووشی پێکان بوو، لە کاتی زیادکراوی یارییەکە یاریگای بەجێهێشت و نەیتوانی یارییەکە تەواو بکات، دوای کۆتایی یارییەکە کاتێک یاریگای بەجێهێشت ئەو یاریزانە لاوە ئیسپانییە دەشەلی.