یاریگا –
یەکێتی تۆپی پێی ئینگلتەرا هێشتا خۆی یەکلای نەکردووەتەوە بۆ بڕیاردان لەسەر راهێنەری داهاتوویان کە بە فەرمی دەبێتە راهێنەری هەمیشەیی سێ شێرەکان لەجێی لی کارسلی.
ئەم هاوینە کارسلی پۆستەکەی بە کاتی پێدرا دوای ئەوەی گاریس ساوسگەیت بۆ جاری دووەم لە فیناڵی یۆرۆ بەبێ ئەنجام دەرچوو.
راهێنەرە کاتییەکە تا ئێستا سێ یاریی سەرپەرشتی هەڵبژاردەکەی کردووەم بەرامبەر ئێرلەندا و فنلەندا بردنەوە و، کۆتا یارییانیش بەشێوەیەکی چاوەڕواننەکراو بە یۆنان دۆڕان و تا ڕادەیەک بێهیوایی بە شەقامی وەرزشی ئینگلتەرا بەخشی. هەر بۆیە لێرە و لەوێ ناوی پاڵێوراوەکان بۆ پۆستەکە زیاتر تەشەنەی سەند.
بەڵام بەگوێرەی زانیارییەکانی مات لۆ رۆژنامەنووس لە تەلەگرافی ئینگلیزی، یەکێتی تۆپی پێی ئەو وڵاتە تا ئێستا چاوپێکەوتنی لەگەڵ هیچ بەربژێرێکدا نەکردووە.
ئەوە لە کاتێکدایە دوو مانگ تێپەڕبووە بەسەر دوایین وادە بۆ پێشکەشکردنی داوا بۆ ئەو پۆستە.
England yet to formally interview any of the top candidates for permanent manager job – even though the closing date for applications was over two months ago. FA insist robust process is ongoing but claim it must remain confidential.
With @JBurtTelegraph https://t.co/u48lLdQ34a— Matt Law (@Matt_Law_DT) October 11, 2024
ئەم زانیارییە لەکاتێکدایە هەر ئەمڕۆ وەک یەکێک لە بەهێزترین دەنگۆیەکان رۆژنامەی بیڵدی ئەڵمانی بڵاویکردەوە کە تۆماس توخێل لەگەڵ یەکێتی تۆپی پێی ئینگلتەرا لە گفتوگۆدایە بۆ وەرگرتنی پۆستەکە.
