یاریگا –
بارسێلۆنا بەیاننامەیەکی پزیشکی لەبارەی پێکانەکەی فێران تۆرێس بڵاوکردەوە و رایگەیاندووە، لە ماسوڵکەکانی رانی تووشی پێکان بووە.
یانەی بارسێلۆنا لە بەیاننامەکەی ئەنجامی پشکنینە پزیشکییەکانی بڵاوکردووەتەوە و رایگەیاندووە، فێران تۆرێس لە ماسوڵکەکانی رانی راستی تووشی پێکان بووە و ماوەی دوورکەوتنەوەشی دەگەڕێتەوە سەر راددەی زوو چارەسەروەرگرتنی و کاردانەوەی بۆ وەرگرتنی چارەسەر.
❗ COMUNICADO MÉDICO
▶ Las pruebas realizadas esta mañana a Ferran Torres han confirmado que sufre una lesión muscular en el bíceps femoral del muslo derecho. El tiempo de regreso a los entrenamientos vendrá marcado por su evolución pic.twitter.com/Mfof5wTd9P
— FC Barcelona (@FCBarcelona_es) October 7, 2024
میدیاکانی کەتەلۆنیا رایانگەیاندووە، تۆرێس بەهۆی ئەو پێکانەی لە یاریی بەرامبەر دیپۆرتیڤۆ ئالاڤێس تووشی بوو، بۆ ماوەی 6 بۆ 8 هەفتە لە یاریگاکان دادەبڕێت.
تۆرێس لەم وەرزە لە سەرجەم پاڵەوانێتییەکان بەشداریی 10 یاریی بلاوگرانای کردووە کە لە 7 یاری یاریزانی سەرەکی بووە.
