یاریگا –
هانزی فلیکی راهێنەری یانەی بارسێلۆنا دوای بردنەوەكه‌یان به‌رامبه‌ر دیپۆرتیڤۆ ئالاڤێس ستایشی ئاستی یاریزانانی تیپه‌كه‌ی ده‌كات.
راهێنەرە ئەڵمانییەکە دوای یارییەکە لە کۆنگرەیەکی رۆژنامەوانیدا گوتی،
یارییەکی قورس بوو، چونکە ئالاڤێس فشارێکی باشی لەسەر دروستکردین و زۆر گرنگ بوو وه‌ك یارییه‌كه‌ی ئۆساسۆنا هەڵەمان نه‌كرد.
گوتیشی،
به‌گشتی یاریزانه‌كان ئاستێكی به‌رزیان پێشكه‌شكرد، هەست بەباشی دەکەم، بەڵام لە تۆپی پێدا شتەکان دەتوانن بەخێرایی بگۆڕدرێن، رافیناش یاریزانێكی سه‌رنجراكێشه ده‌توانێت زیاتر له‌وه‌ی ئێستا پێشكه‌ش بكات، متمانەمان بە شێوازی یاریکردنمان هەیە و بیرۆکەی یاریكردنمان جیاوازه ئه‌مه‌ش بۆ تیپه‌كه گرنگه.
Flick: “Raphinha is a leader. I think that’s the great thing for him. He’s important for us in his position. His movement is dynamic, but I think he can improve. When he scores goals, he always wants to score more. I’m very happy with him, he’s unbelievable.” pic.twitter.com/Aqw1xs7GG2
— Barça Universal (@BarcaUniversal) October 6, 2024
له باره‌ی ئاستی لیڤاندۆڤسکیش گوتی،
لیڤا هەمان یاریزانی ئه‌و كاته‌یه كه له یانه‌ی بایرن میونشن راهێنه‌ری بووم، ئاستێكی به‌رز پێشكه‌ش ده‌كات و له كاتی پێویست ده‌رده‌كه‌وێت.
بەم سەرکەوتنە، بارسا ژماره‌ی خاڵه‌كانی بۆ 24 خاڵ به‌رزكرده‌وه بە 3 خاڵ له پێش ریاڵ مەدریده كه پله‌ی دووه‌می گرتووه.
