لیستی هەڵبژاردەی سوید راگەیێندرا و ناوی ئەستێرەیەکی تێدا نییە

یاریگا –

ئالێکساندەر ئیزاک، هێرشبەری نیوکاسڵ لە لیستی هەڵبژاردەی سوید بۆ یارییەکانی نەیشنزلیگ دوورخرایەوە.

هێرشبەری 25 ساڵ، لە یاریی نیوکاسڵ بەرامبەر وۆڵڤز تووشی پێکانی پەنجەی پێ بوو و بەشداری یاریی پێشووی تیمەکەی بەرامبەر مانچێستەر سیتی لە پرێمەرلیگ و ویمبڵدن لە جامی کاراباو نەکرد.

جۆن دال تۆماسن، راهێنەری سوید، ئیزاکی بانگهێشتی یارییەکانی بەرامبەر سلۆڤاکیا و ئێستۆنیا لە نەیشنزلیگ نەکردووە.

ئیزاک یەکێکە لە باشترین هێرشبەرانی جیهان و بەهۆی پێکان بانگهێشت نەکراوە. بە ئامادەنەبوونی ئیزاک زۆر نیگەرانین، پێم وایە تاوەکو وەستانێکی دیکەی نێودەوڵەتی، ناتوانێت یاریی بۆ سوید بکات.

لیستی یاریزانانی سوید

گۆڵپارێزان: ڤیکتۆر یۆهانسن (ستۆک سیتی)، کریستۆفەر نۆردفێڵد (ئایک)، رۆبن ئۆڵسن (ئاستۆن ڤیلا)، جەیکوب فیدێڵ (دێربی کاونتی).

بەرگریکاران: ئەلێکس دۆگلاس (لیخ پۆزنان)، گابریێل گودمونسن (لیل)، لودفیگ ئوگەستینسن (ئاندێرلەخت)، ئیزاک هاین (ئاتاڵانتا)، ئێمیل کرافت (نیوکاسڵ یونایتد)، ڤیکتۆر لیندێلۆف (مان یونایتد)، کارل ستارفێڵت (سێلتا ڤیگۆ)، ئێریک سمیس (سانت پاوڵی).

ناوەڕاستکاران: کێن سێما (واتفۆرد)، یاسین ئایاری (برایتن)، لوکاس بێرگڤۆڵ (تۆتنهام)، نیکلاس ئێلیاسن (ئایک ئاتینا)، یاسپەر کاڵشترۆم (یودینێزی)، هوگۆ لارسن (ئێنتراخت فڕانکفورت)، سێباستیان ناناسی (ستراسبۆرگ)، ئانتۆن سالێترۆس (ئایک).

هێرشبەران: ئانتۆنی ئیلانگا (نۆتینگهام فۆڕێست)، ڤیکتۆر گیۆکێرێس (سپۆڕتینگ لیسبۆن)، دێیان کولوسێڤسکی (تۆتنهام)، گوستاف نیڵسن (کڵەب برووج).