یاریگا –
بەربژێرانی باشترین یاریزانی ئاسیا ئاشکراکران کە هیچ یاریزانێکی عێراقی لە لیستی سێ بەربژێرەکەدا نییە.
فیدراسیۆنی تۆپی پێی ئاسیا بەربژێرانی باشترین یاریزانی ئاسیای بۆ ساڵی 2023 راگەیاند، کە لە هەریەکە لە ئەکرەم عەفیف (قەتەڕ)، یەزن نەعیمات (ئوردن) و سیوول یانگ وو (کۆریای باشوور) پێکدێت، هەر سێ یاریزانەکە کێبڕکێ لەسەر خەڵاتی باشترین یاریزانی کیشوەرەکە دەکەن.
هەریەکە لە سۆن هیونگ مین (تۆتێنهامی ئینگلیزی)، مەهدی تارمی (ئینتەر میلانی ئیتاڵی) و موسا تەعمەری (مۆنپیلیێی فەڕەنسی) بەربژێرن بۆ بەدەستهێنانی خەڵاتی باشترین یاریزانی ئاسیای دەرەوەی کیشوەرەکە.
رۆژی 29ـی ئەم مانگە لە سیۆل لە کۆریای باشوور رێوڕەسمی دابەشکردنی خەڵاتی باشترینەکانی ئاسیا لە ساڵی 2023 بەڕێوە دەچێت، کە 18 خەڵاتی جیاواز بەسەر باشترینەکانی کیشوەرەکە دابەش دەکرێن.
