یاریگا –
ریاڵ مەدرید مکوڕە لەسەر گواستنەوەی ئالفۆنسۆ دەیفز و لە دوو بازاڕی گواستنەوەی داهاتوودا هەوڵی خۆی دەداتەوە. دەیڤز کێشەی هەیە لەگەڵ کارگێڕی باڤارییەکان و یەکێک لە گرفتەکانیان بابەتی مووچەیە. هەربۆیە چەند میرکاتۆی رابردوو یەکێک بوو لە ناوەکان کە بە ریاڵەوە دەبەسترایەوە.
شاهانەکان ئەگەرچی لە هەمان پێگەی دوو یاریزانی وەک فران گارسیا و فێرلان مێندی هەیە، بەڵام بۆ لایەنی هێرشبەری پێویستی بە سوپەرستارێکە بتوانێ رۆڵەکەی مارسێلۆ بگێڕێ.
بەگوێرەی زانیارییەکانی رێلیڤۆی ئیسپانی، بە هاتنی دەیڤز شوێنی مێندی هەر پارێزراودەبێ و ئەو گومانانە دەڕەوێتەوە کە ئەستێرە فەڕەنسیەکەی چیتر لە سانتیاگۆ بێرنابیۆ نابینرێتەوە.
ریاڵ مەدرید جگە لە دەیڤزی کەنەدی، چوار یاریزانی دیکەی هەر بۆ هێڵی بەرگری بە ئامانج گرتووە و چاوەڕوان دەکرێ هاوینی داهاتوو گۆمی بازاڕەکە بە چەند گرێبەستێکی گەورە بشڵەقێنن.
