دی ماریا هەڕەشەیە بۆ ژمارەکانی مێسی و رۆناڵدۆ لە چامپیۆنزلیگ
یاریگا –
ئانخێل دی ماریا ئەمشەو بە نووسینەوەی ژمارەیەک خۆی خستەوە ریزی گەورەکانی چامپیۆنزلیگ.
دی ماریا کە لەلە بەنفیکا سەرەکی بوو لە یارییەکەیان بەرامبەر یانەی زڤێزدا، توانی ژمارەی بەشدارییەکانی لە پاڵەوانێتیەکە بگەیەنێتە هەمان ژمارەی دەیڤد بێکهام کە 107 جارە.
ئەفسانە ئەرجەنتینیەکە هاوکات بە ئەسیستی ژمارە 36 یەکسانە بە ئەسیستەکانی ئەفسانە ئینگلیزیەکە.
دی ماریا کە پێشتر لە یانەکانی ریاڵ مەدرید، مانچێستەر یونایتد و پاریسیش یاری کردووە، تەنها مێسی و رۆناڵدۆ و گیگزی لەپێشەوە ماوە بۆ زۆرترین ئەسیست لە مێژووی پاڵەوانێتیەکە.
بەم سیستمە نوێیەی ئەم وەشانە چامپیۆنزلیگی لەسەر بەڕێوەدەچێ، دەرفەتێکی گەورە لەبەردەم دی ماریادایە بۆ گەیشتن بە مێسی کە تەنها 3 ئەسیست، رۆناڵدۆ 4 و گیزگز 5 ئەسیست لێوەی دوورن.
ئەوە لەکاتێکدا ئەو سیانەی دیکە بە ئەنجامدانی ژمارەیەکی زۆر زیاتر لە یاریکردن گەشتوون بەو ئامارانە.
107/36 – Only three players have more UEFA Champions League assists than Ángel Di María, with Di María also exactly level with David Beckham for both appearances (107) and assists (36) in the competition. Visionaries. pic.twitter.com/6NIEKD4JZR
— OptaJoe (@OptaJoe) September 19, 2024
ئەمشەو هاوکات تایبەتیەکی گەورەی هەبوو بۆ ئانخێل کە وەک پیاوی یارییەکە دەستنیشانکرا.
