ئۆکامپۆس دوای 12 ساڵ ئەوروپای جێهێشت
یاریگا –
لوکاس ئۆکامپۆس دوای ساڵانێکی زۆر لە یاریکردن لە ئەورووپا، بە یەکجاریی ئەو کیشوەرەی جێهێشت.
هێرشبەرە ئەرجەنتینیەکە سەرەتای کاروانی پیشەگەرێتی لە ریڤەرپلەیتی وڵاتەکەیەوە دەستیپێکرد لە ساڵی 2011. یەکەم وێستگەی ناوبراو لە ئەوروپا ساڵێک دواتر بوو کاتێ گواسترایەوە یانەی مۆناکۆ. پاشان یانەکانی مارسیلیا، جێنەوا، ئەیسی میلان و سێڤییای تاقیکردەوە کە ئەوەی دواتریان دیارترین ماوەی بوو لە ئەورووپا. ناوبراو لە 2022-2023 بەخواستن یاری بۆ ئایاکسی هۆڵەندی کرد.
ئەمشەو یانەی رایادۆ مۆنتێرێ مەکسیکی بە فەرمی گواستنەوەی ئۆکامپۆسی راگەیاند.
¡Bienvenido al Club de Futbol Monterrey, @Locampos15!💙🤍
El atacante argentino, con gran trayectoria internacional y reconocimiento en Europa y Sudamérica, aportará su competitividad y talento en la cancha para rayar su historia de Azul y Blanco.👊🏼🔥
¡A dejarlo todo por los… pic.twitter.com/St6TwfoUOD
— Rayados (@Rayados) September 3, 2024
دیارترین دەستکەوتەکانی یاریزانە 30 ساڵانەکە لەگەڵ یانە ئەندەلووسیەکە بوو کە توانی دوو جار نازناوی یۆرۆپالیگ بباتەوە و چوار جاریش سەربکەوێ بۆ چامپیۆنزلیگ.
گرێبەستی لوکاس لەگەڵ یانە نوێیەکەی تا هاوینی 2027 دەبێت.
