یاریگا –
راپۆرتێک لە ماڵپەڕی Diario Sportی سپۆرتی ئیسپانییەوە هەژانێکی بەهێزی لەنێو یانەی بارسێلۆنا دروستکردووە و یانەکەش بەیاننامەیەکی فەرمی بڵاوکردەوە.
سەرچاوەکە ئاشکرای کردووە کە دێکۆی بەڕێوبەری وەرزشی بارسا هەست بە بێزاریی دەکات لەو دۆخە داراییەی کە یانە کەتەلۆنیەکەی تێدایە و دەستواڵایی ئەو بەڕێوبەرەی سنووردارکردووە لەوەی بەگوێرەی ویست و پلانی خۆی یاریزان بگوازێتەوە، هەر بۆیە بیر لە جێهێشتنی یانەکە دەکاتەوە.
راپۆرتی سەرچاوە ئیسپانییەکە:
🔴 𝐍𝐎𝐓𝐈𝐂𝐈𝐀 𝐒𝐏𝐎𝐑𝐓
‼️ Deco, decepcionado, medita su futuro
¿Es lo mejor para el Barça que se marchará o quieres que se quede?https://t.co/vSjBo2p69q
— Diario SPORT (@sport) September 1, 2024
ئەو زانیارییە زۆرێک لە سەرچاوەکانی دیکە بە بایەخەوە بڵاویانکردەوە و بوو بە مانشێت، بەڵام تۆزێ پێش ئێستا بارسێلۆنا لە پێگە فەڕمییەکانی خۆیەوە بەیاننامەیەکی بڵاوکردەوە و دەنگوباسی ماڵپەڕە ئیسپانییەکەی بە ناڕاست خستەوە.
لە بەیاننامەکەی بارسادا هاتووە:
بارسێلۆنا نکوڵی دەکات لە زانیارییەکانی Diario Sport کە گومان دروستدەکات لەسەر بەردەوامبوونی بەڕێوبەری وەرزشیەکەمان. وەڵامی بارسێلۆنا لەوە بەهێزتر نابێ کە رایدەگەیەنین تا ئەوپەڕی ئاست رازین لەگەڵ کارەکانی دێکۆ و هەر هێرشێکی لەو جۆرە رەتدەکینەوە کە دوای داخستنی بازاڕی گواستنەوەکانی هاوینە هاتووەتە ئاراوە.
Comunicado del FC Barcelona
🔗 https://t.co/Ul5ylkbz95 pic.twitter.com/CHxcZZe1JW
— FC Barcelona (@FCBarcelona_es) September 1, 2024
بارسا لەم هاوینەدا هەوڵێکی زۆری دا بۆ گواستنەوەی نیکۆ ویلیامز وەک دیارترین گرێبەست پێشکەشی هاندەرانی بکات، بەڵام سەرکەوتوو نەبوون لەو پرۆسە و دواجار دانی ئۆڵمۆیان لە یانەی لایپزیگ گواستەوە کە گەورەترین گواستنەوەی هاویەنەکە بوو بۆ بلاوگرانا.
