جارێکی دیکە سانچۆ بەخواستن دەنێردرێتە دەرەوە
یاریگا –
چارەنووسی جەیدن سانچۆ جارێکیتر بەخواستن ناردنە دەرەوەیەتی بۆ یانەیەکی دیکە.
سانچۆ زستانی رابردوویشی تا کۆتایی وەرز لە دۆرتمۆند بەخواستن بەسەربرد دوای تەقینەوەی کێشەکانی لەگەڵ ئێریک تێن هاخ. بە گەڕانەوەشی بۆ یارییە دۆستانە ئامادەکارییەکان، ئەگەرچی ناوبراو بانگهێشتی یارییەکان دەکرا، بەڵام وادیارە نەیتوانیوە راهێنەرە هۆڵەندیەکە رازی بکات.
بەگوێرەی نوێترین زانیارییەکان کە فابریس هاوکینس لە تۆڕی هەواڵی RMC بڵاویکردووەتەوە، مان یو لەگەڵ یوڤێنتوس گەشتووەتە رێککەوتن تا بۆ وەرزێک بەخواستن رووبکاتە خانمەپیرەکە.
🚨BREAKING Agreement between Manchester United and Juventus for Jadon Sancho. Loan + obligation to buy
The player keen to the move pic.twitter.com/25Kjf37hp0— Fabrice Hawkins (@FabriceHawkins) August 28, 2024
لە زانیارییەکانی ئەو رۆژنامەنووسەدا هاتووە کە رێککەوتنەکە مەرجی کڕینەوەی ناچاریشی تێدایە.
هاوکینس زانیوشیەتی کە خودی یاریزانە ئینگلیزیەکەش بەپەرۆشە بۆ قۆناخە نوێیەکە.
سانچۆ لە هاوینی 2021 بە بڕی 85 ملیۆن یۆرۆ لە بۆڕووسیا دۆرتموندی ئەڵمانییەوە گواسترایەوە بۆ مانچێستەر یونایتد، بەڵام بە درێسی شەیتانە سوورەکان نەیتوانی ئاستێکی بەرز پێشکەش بکات.
