ئینتەر میلان چارەنووسی دومفریس یەکلایی دەکاتەوە
چاوەڕوانی کۆتایی دێت
یاریگا –
ئینتەر میلان لە نوێکردنەوەی گرێبەستی دێنزێڵ دومفریس نزیکدەبێتەوە.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، ئینتەر میلان هەفتەی داهاتوو لەگەڵ داخرانی دەرگای بازاڕی گواستنەوە کۆتایی بە نوێکردنەوەی گرێبەستی دێنزێڵ دومفریسی هۆڵەندی دەهێنێت.
⚫️🔵🔐 Inter are set to complete agreement on new deal for Denzel Dumfries from next week, as soon as the transfer window closes.
There are still some details to discuss including a release clause, expected to be part of new contract. pic.twitter.com/tHkaFl58E5
— Fabrizio Romano (@FabrizioRomano) August 28, 2024
بەگوێرەی زانیارییەکانی رۆمانۆ، یانە ئیتاڵییەکە و دێنزێڵ لەسەر هەمووشتێک رێککەوتوون، تەنیا هەندێک وردەکاری بڕگەی ئازادکردنی یاریزانەکە ماوە یەکلایی بکرێنەوە و پاشان واژۆ لەسەر پەڕاوەکانی گرێبەستە نوێیەکە دەکەن.
یاریزانە هۆڵەندییەکە لە سەرەتای مێرکاتۆ ئامادە نەبوو گرێبەستەکەی نوێبکاتەوە و دەیویست پەیوەندی بە مانچێستەر یونایتد بکات، بەڵام شەیتانە سوورەکان لە یاریزانەکە نەچوونەتە پێش بۆیە بڕیاری مانەوەی لە ئینتەر داوە.
یاریزانە تەمەن 28 ساڵانییەکە کە ئێستا لە بۆرسەی یاریزانان نرخەکەی 24 ملیۆن یۆرۆیە، هاوینی 2021 لە ئایندهۆڤنی هۆڵەندییەوە بەرامبەر 14 ملیۆن یۆرۆ روویکردە ریزەکانی یانە ئیتاڵییەکە.
