بەفەرمی نێرێس پەیوەندی بە ناپۆلی کرد
یاریگا –
بەشێوەیەکی فەرمی دەیڤد نێرێسی بەرازیلی پەیوەندی بە ناپۆلی ئیتالی کرد.
ماڵپەڕی فەرمی ناپۆلی بڵاویکردووەتەوە، دەیڤد نێرێسی یاریزانی بێنفیکا گرێبەستێکی درێژخایەنی لەگەڵ ناپۆلی واژۆ کردووە و ئێستا یاریزانێکی نوێی یانە ئیتالییەکەیە.
David is proud to be one of us!
📰 Leggi il comunicato: https://t.co/ii9LrRR9gd
💙 #ForzaNapoliSempre | #ProudToBeNapoli | #WelcomeNeres pic.twitter.com/QUpq0RkhES
— Official SSC Napoli (@sscnapoli) August 21, 2024
گرێبەستی یاریزانە بەرازیلییەکە لەگەڵ ناپۆلی بۆ ماوەی چوار وەرز دەبێت و نێرێس تا هاوینی 2029 درێسی یانە شین پۆشەکەی سێریا ئەی دەپۆشێت، تێچووی گواستنەوەی یاریزانەکەش 30 ملیۆن یۆرۆیە.
هێرشبەرە تەمەن 27 ساڵانییەکە یاریی بۆ یانەکانی ئایاکس، بێنفیکا، شاختار و ساوپاوڵۆ کردووە، بەشداری 281 یاریی کردووە، 74 گۆڵی کردووە و 69 گۆڵی دروستکردووە. بەدرێسی هەڵبژاردەی بەرازیلیش لە هەشت یاریی گۆڵێکی کردووە.
نازناوێکی کۆپا ئەمێریکا، سێ نازناوی خولی هۆڵەندی، دوو نازناوی جامی هۆڵەندا و نازناوێکی خولی پۆرتوگالی بەدەستهێناوە
