گواستنەوەی یاریزانێک بۆ چێڵسی شكستیهێنا
یاریگا –
گرێبەستی یاریزان سامو ئۆمۆردیۆن هێرشبەری ئیسپانی یانەی ئاتلێتیكۆ مەدرید بۆ چێڵسی وەستا، دوای ئەوەی نزیك بوو لەوەی بەفەرمی گرێبەستەكەی رابگەیەندرێت.
ئۆمۆردیۆن لەگەڵ هەڵبژاردەی ئۆڵێمپی ئیسپانیا بەشداری یارییەكانی ئۆڵێمپیادی كرد و توانیان مێدالیای زێڕ ببەنەوە.
⚠️🔵 Samu Omorodion to Chelsea is 100% OFF.
Major issues confirmed and Omorodion will return to Madrid in the next hours…
…with serious chances to join another club in the next days. 👀 pic.twitter.com/UHBElfmHXs
— Fabrizio Romano (@FabrizioRomano) August 11, 2024
فابریزیۆ رۆمانۆ لە هەژماری تایبەتی خۆی ئاشكرایكردووە، گواستنەوەی سامو ئۆمۆردیۆن بۆ چێڵسی بە رێژەی %100 شكستیهێنا.
ئاماژەی بەوەشكردووە، دوای شكستهێنانی گرێبەستەكەی سامو دەگەڕێتەوە مەدریدی پایتەختی ئیسپانیا.
گرێبەستەكەی ئۆمۆردیۆن بۆ چێڵسی بە بێ هۆكار شكستیهێنا و رۆمانۆ ئەوەشی ئاشكرا كرد، ئاتلێتیكۆ مەدرید لە هەوڵدایە بۆ بەدەستهێنانی ئۆفەرێكی گونجاو بۆ فرۆشتنی هێرشبەرەكەی.
El fichaje de Samu Omorodion por el Chelsea colapsa y la planificación del Atlético pende de un hilo.
◾️ La operación con el club inglés estaba hecha pero unas dudas de última hora están a un paso de colapsarla.
✍️ @IsabelitaPM https://t.co/l4ikDDwrSx
— Relevo (@relevo) August 11, 2024
لەلایەكی دیكەوە رێلیڤۆ ئاشكرایكردووە، ئیدارەی ئاتلێتیكۆ مەدرید نەگەیشتوونەتە رێككەوتنی كۆتایی لەگەڵ چێڵسی بۆ فرۆشتنی ئۆمۆردیۆن.
ئاماژەی بەوەشکردووە، ئۆمۆردیۆن سەرکەوتوو نەبووە لە پشکنینی پزیشکی، ئەمەش بووەتە هۆی داڕمانی گرێبەستەکە.
ئاتلێتیكۆ مەدرید لە گواستنەوەكانی هاوینەدا هەریەك لە رۆبن لی نۆرماند و ئەلێكساندەر سۆرلۆسی گواستووەتەوە ریزەكانی و ئامادەكاری بۆ راگەیاندنی گرێبەستی جولیان ئالڤارێزیش دەكات.
ئۆمۆردیۆن یەکێکە لەو یاریزانەی نرخەکەی بەشێوەیەکی بەرچاو هەڵکشا و بەگوێرەی راپۆرتێکی ترانسفێر مارکێت کە مانگی نیسان/ئەپرێڵ بڵاویکردەوە، نرخی ئەو یاریزانە لە 20 ملیۆن یۆرۆوە بەرزبوو بووەوە بۆ 40 ملیۆن یۆرۆ.
ناوبراو کە بە خواستن لە ئالاڤێس یاری دەکرد، وەرزی رابردوو لە 34 یاری خولی ئیسپانی توانی 8 گۆڵ و ئەسیستێك بکات.
