هەموو شتێک بزانە؛ ئۆفەری نوێی بارسێلۆنا بۆ ئۆلمۆ چییە؟
نوێنەرانی بارسێلۆنا دەچنە ئەڵمانیا
یاریگا –
بارسێلۆنا دەستبەرداری گواستنەوەی دانی ئۆلمۆ نەبووە و هەوڵێکی دیکە بۆ گواستنەوەی دەدات.
فێران مارتینێز، رۆژنامەنووسی رۆژنامەی موندۆ دێپۆرتیڤۆ بڵاویکردووەتەوە، بارسا هەوڵێکی نوێی بۆ گواستنەوەی یاریزانەکەی لایپزیگ داوە و چاوەڕێی وەڵام دەکات.
❗️ Semana decisiva para resolver el futuro de Dani Olmo
📌 Tras haber mejorado su oferta, el Barça es optimista y espera una respuesta positiva para fichar al egarense
📌 Sus agentes viajarán a Alemania la próxima semana con la intención de resolver la situación y analizar la… pic.twitter.com/WJ4VKEmlv8
— Mundo Deportivo (@mundodeportivo) August 4, 2024
بارسا ئۆفەرێکی نوێی خستووەتە بەردەم لایپزیگ، دەستەی کارگێڕی بارسا بەم ئۆفەرە گەشبینە و پێیان وایە دەتوانن لایپزیگ رازی بکەن.
بەگوێرەی زانیارییەکانی رۆژنامەنووسە ئیسپانییەکە بێت، لەم هەفتەیەدا، بارسا نوێنەرانی خۆی دەنێرێتە ئەڵمانیا و ئۆفەرەکەیان بریتیی دەبێت لە 50 ملیۆن یۆرۆ لەگەڵ پارەی دیکەی پەیوەست بە بردنەوەی نازناوەکان و دەستکەوتەکانی کەسی.
بارسێلۆنا دەیەوێت بەر لە 8ی ئەم مانگە، تەواوی پڕۆسەی گواستنەوەی ئۆلمۆ تەواو بکات، چونکە بڕیارە لەدوای پێنج رۆژی دیکە، لایپزیگ ئۆلمۆ بۆ ئامادەکارییەکانی وەرزی نوێ بانگهێشت بکات و جیا لەمەش، گرێبەستی ئۆلمۆ لە هاوینی ساڵی 2027 بەسەردەچێت.
