وان بیساکا ململانێی نێوان دوو یانەی خۆشکردووە

یاریگا –

مانچێستەر یونایتد یەکلاییکردووەتەوە، رێگە بە چوونە دەرەوەی ئارۆن وان بیساکا دەدات.

فووتبۆڵ ئینسایدەر بڵاویکردووەتەوە، یانەکانی وێستهام یونایتد و ئینتەر میلان رکابەریی لەسەر بەدەستهێنانی واژۆی یاریزانی مان یونایتد دەکەن.

مانچێستەر یونایتد دەیەوێت بەبڕی 15 ملیۆن پاوەند، دەستبەداری وان بیساکا ببێت، کەچی وێستهام ئامادەیە 10 ملیۆن پاوەند، لە پێناوی وان بیساکا خەرج بکات.

وێستهام تەواوی هەنگاوە فەرمییەکانی بۆ گواستنەوەی بیساکا بڕیوە، بەڵام چاوەڕێی دوا وەڵامی ئینتەر میلان دەکات، چونکە دەیەوێت لە سێریا ئەی یاری بکات.

وان بیساکا لە ساڵی 2019 بەبڕی 50 ملیۆن پاوەند، لە کریستال پاڵاسەوە پەیوەندی بە مان یونایتد کرد، بەڵام هەرگیز نەیتوانی ببێتە یاریزانێکی سەرەکی لە ئۆڵدترافۆرد.

لە ماوەی پێنج ساڵدا، وان بیساکا 190 یاری کردووە و نازناوەکانی جامی خول و جامی FA بەدەستهێناوە.

وەرزی رابردوو، وان بیساکا بەشداری لە 30 یاریدا کرد کە 22یان لە پرێمەرلیگ بوو.