کاسپەر شمایکڵ پەیوەندی بە یانەیەکی سکۆتلەندیەوە کرد
یاریگا –
کاسپەر شمایکڵ لە دوای کۆتایی هاتنی وەرزی رابردوو، وەک یاریزانی ئازاد ریزەکانی ئەندەرلەختی بەلجیکی جێهێشت و ئێستایش وێستگەیەکی نوێی دەستپێکرد لەگەڵ یانەی سەڵتیکی سکۆتلەندی.
گۆڵپارێزە دانیمارکێکە دوای ئەوەی لەگەڵ هەڵبژاردەی وڵاتەکەی گەیشتنە قۆناخی 16ی یۆرۆ، تا ئەو شوێنەیە بەس بوو بۆیان و هەر لە دوای تەواوبوونی پاڵەوانێتیەکە بڕیاریدا پەیوەندی بە سەڵتیکەوە بکات و جارێکیتر لەگەڵ برێندان رۆجەرز یەکبگرنەوە کە پێکەوە سەروەختی پێکەوەبوونیان لە لیستەر سیتی توانیان جامی یەکێتی ئینگلتەرا و جامی قەڵخانی خێرخوازی لە 2021 ببەنەوە.
لای خۆیانەوە یانە سکۆتلەندیەکە پەیوەندیکردن کاپتنی دانیمارکیەکانی راگەیاند و هاوکات کاسپەری 37 ساڵانیش بە ستایشی مێژووی یانەکە وتی
خەونێکم هاتەدی بە واژۆکردن لەگەڵ یانەیەکی میرات دەوڵەمەندی وەک سەڵتیک. دڵخۆشم بە پەیوەندیکردن بەم یانە مێژووییە و شوێنپێ هەڵگرتنی ناوە گەورەکانی یانەکە. وا گەشتێکی نوێ دەستپێدەکات.
A dream come true to sign for a club with such a rich legacy as @celticfc. Excited to be part of this historic club and follow in the footsteps of giants. A new journey starts, can't wait to get to work! 💚🍀 https://t.co/g1v8ylP8cN
— Kasper Schmeichel (@kschmeichel1) July 18, 2024
بە گوێرەی راگەیاندنی فەرمی سەڵتیک، گرێبەستەکەی نێوانیان بۆ ماوەی وەرزێک دەبێت.
دیارترین قۆناخەکانی کاروانی پیشەگەرێتی ئەو گۆڵپارێزە، 11 ساڵ یاریکردنی بوو بۆ لیستەر سیتی ئینگلیزی و توانیشیان لە ساڵی 2016 نازناوی پرێمەرلیگ ببەنەوە.
