فەرمی: ئالکانتارا لە دوای بڕیاری وازهێنانی پەیوەندی بە بارسێلۆنا کردەوە
یاریگا –
تیاگۆ ئالکانتارا، لەگەڵ بارسێلۆنا گریبەستێکی نوێی واژۆ کرد و بڕیارە وەکوو یاریدەدەری هانسی فیلک لە یانە کاتالۆنیەکە دەست بە کار بێت.
بارسێلۆنا گەڕانەوەی تیاگۆی بە فەرمی راگەیاند. بەم شێوەیە ئالکانتارا پەیوەندی بە ستافی راهێنەرایەتی هانسی فلیک، راهێنەرە نوێیەکەی بارسا دەکات.
لە چەند رۆژی رابردوودا تیاگۆ بەشداری مەشقەکانی بارسای کردووە و تەنانەت بەبێ لێدوانی فەرمی یانەکەش کاری کردووە.
یاریزانە پێشووەکەی بارسا کە لە ساڵی 2013 تیپەکەی بەجێهێشت، دەبێتە مۆرەیەکی گرنگ لە ستافی تەکنیکی تیپەکەدا، بەتایبەتی لەڕووی پەیوەندییەکان شارەزایی زمانی ئەڵمانییە و زانیاری لەسەر یانەکە هەیە و دوای یازدە ساڵ لە جێهێشتنی دووبارە گەڕایەوە یانەکەی.
𝐓𝐡𝐢𝐚𝐠𝐨 𝐀𝐥𝐜𝐚́𝐧𝐭𝐚𝐫𝐚 to gain experience with the Barça coaching staff
— FC Barcelona (@FCBarcelona) July 17, 2024
بارسێلۆنا لە بەیاننامەی فەرمیەکەیدا نووسی:
تیاگۆ ئەلکانتارا کە بەم دواییە لە تەمەنی 33 ساڵیدا وازهێنانی لە تۆپی پێ راگەیاند، لە چەند هەفتەی داهاتوودا پەیوەندی بە ستافی هانسی فلیکەوە دەکات و وەک یاریدەدەری راهێنەر کاردەکات.
تیاگۆ بەرهەمی ئەکادیمیای لاماسیە و لە ساڵی 2013 چووە بایرن و لە ساڵی 2020ەوە یاری بۆ لیڤەرپوول دەکات.
Welcome to the Barça fam, Thiago! ❤️ pic.twitter.com/noOXH8dsig
— FC Barcelona (@FCBarcelona) July 17, 2024
