میلان ئەستێرەیەکی هەڵبژاردەی ئەڵمانیای دەوێت
رۆسۆنێری زۆر جددیە
یاریگا –
ئەیسی میلان تەواوی هەوڵەکانی بۆ گواستنەوەی نیکلاس فولکروگ، ئەستێرەی ئەڵمانیا خستووەتەگەڕ.
فلۆریان پلێتێنبێرگ، رۆژنامەنووسی دیاری مێرکاتۆ لە پلاتفۆڕمی ئێکس، گرنگیپێدانی میلانی بە هێرشبەرەکەی بۆڕووسیا دۆرتموند پشتڕاستکردەوە.
میلان لە گواستنەوەی فولکروگ جددیە و گفتوگۆی سەرەتایی لەبارەی گواستنەوەی کراوە، بەڵام بڕیاری گفتوگۆی زیاتر نەدراوە و تاوەکو ئێستا هیچ رێککەوتنێکیش نەکراوە.
میلان نزیکە لە گواستنەوەی ئالڤارۆ مۆڕاتا، هێرشبەری ئاتلێتیکۆ مەدرید، بەڵام یانە ئیتاڵییەکە دەیەوێت هێرشبەرێکی دیکەش بگوازێتەوە
فولکروگ ئامانجێکی راستەقینەی میلانە، ناوی تامی ئابراهام لە لیستی چاودێریکردندا هەیە. بەڵام شتەکە سەرنجڕاکێشە، چونکە ئابراهام و فولکروگ هەمان بەڕێوەبەری کارەکانیان هەیە.
🔴⚫️ The interest of @acmilan in Niclas Füllkrug is concrete!
Milan, informed about all details as first talks took place. But no negotiations, decisions or agreements yet.
Milan want to sign at least one more striker after Álvaro Morata. 31 y/o Füllkrug, a serious target for… pic.twitter.com/GiOQgaI660
— Florian Plettenberg (@Plettigoal) July 17, 2024
فولکروگ لە وەرزی رابردوودا 16 گۆڵی بۆ دۆرتموند کرد و یەکێکبوو لە ئەستێرە دیارەکانی زەردەواڵەکان.
