یاریگا-
لە یاری کۆتایی کۆپا ئەمریکای 2024 لیۆنێل مێسی ئەفسانەی ئەرجەنتینی توشی پێکانێکی سەخت بوو، بەهۆیەوە لە خولەکی 66 ی یارییەکەدا یاریگای بەجێهێشت.
کەمێک بەر لە ئێستا یانەی ئینتەر مەیامی جۆری پێکانەکەی لیۆ مێسی ئاشکرا کرد، بە پێی دواین پشکنینی پزیشکی یانە ئەمریکیەکە، پێکانەکەی مێسی لە بەستەرەکانی پاژنەی پێی راستیدایە.
سامر شەهرانی شارەزا لە چارەسەری سروشتی یاریزانەکاندا، ماوەی دوورکەوتنەوەی مێسی ئاشکراکرد.
بەپێی ئەو سەرچاوەیە مێسی لە باشترین بارودۆخدا نزیکەی 3 تا 4 هەفتە لە یاریگاکان دووردەکەوێتەوە، لە خراپترین بارودۆخیشدا پێویستی بە 10 تا 12 هەفتە دەبێت بۆ گەڕانەوە بۆ نێو یاریگاکان.
