یوڤێنتوس درێسی وەرزی نوێی نمایش کرد
یاریگا –
یوڤێنتوسی ئیتاڵی وێنەی درێسی وەرزی داهاتووی تیپەکەی بڵاوکردەوە.
لەگەڵ نزیک بوونەوەی دەستپێکی وەرزی نوێی خولی ئیتاڵیا، یانەکانی بەشدار لە سێریا ئەی وردە وردە وێنەی ئەو درێسانە بڵاودەکەنەوە کە بڕیارە لە وەرزی 2024/2025 بیپۆشن، هیوادارن بە فرۆشتنیان قازانجێکی باش بکەن.
یوڤێنتوس کە یەکێکە لە یانە بەناوبانگەکانی تۆپی پێ لە ئیتاڵیا و هەوادارێکی زۆری هەیە لە سەرتاسەری ئەوروپا و ناوچەکانی تری جیهان، ئەمڕۆ بە فەرمی وێنەی یەکەم درێسی تیپەکەی بۆ وەرزی داهاتوو بڵاوکردەوە، کە بە هاوکاری ئەدیداس دیزاین کراوە و پێشوازییەکی باشی لێکرا.
ONE small step for man, ONE giant leap for mankind 🌕⚪⚫
🌟 @adidasfootball 🌟 pic.twitter.com/9WdLNj5OxR
— JuventusFC 🇬🇧🇺🇸 (@juventusfcen) July 16, 2024
ئەم درێسە زۆر لە درێسە کلاسیک و کۆنەکانی یۆڤی دەچێت، بەتایبەتی ئەو درێسەی کە ئەستێرەکانی ئەم تیپە لە وەرزی 1997-1998 لەبەریان کردبوو، هەروەها بە سێ هێڵی راستی رەش و سپی دیزاین کراوە. دیزاینەرەکان هەوڵیان داوە هەستی نۆستالژیا و یادەوەری یارییەکانی رابردوو لە مێشکی هاندەرانی ئەم تیپەدا دووبارە بکەنەوە.
Ready to discover the ⚪⚫ of the moon? 🌓
Get the new @adidasfootball 2024/25 Juventus home kit, available now! 😍
— JuventusFC 🇬🇧🇺🇸 (@juventusfcen) July 16, 2024
لە بەشێک لە بەیاننامەکەی یانەکە سەبارەت بە درێسەکە نوێیەیەکەیان نووسراوە:
یوڤێنتوس جارێکی دیکە دەیەوێت بۆ ئەو یاریزان و هاندەرانەی کە بەدوای ئاسۆی نوێدا دەگەڕێن و پێیان خۆشە لەگەڵ ئەم درێسەدا ئەوە رووبدات ئیلهامبەخش بێت “. ئەم درێسە بە بەکارهێنانی نەخشی ئەندازیاری 3D دروستکراوە و کێشی کەمە و بەهۆی تەکنەلۆجیای ئەدیداسەوەیە، زۆر یارمەتی یاریزانەکان دەدات و جەستەیان فێنک دەهێڵێتەوە.
نرخی ئەم درێسە لە 88 پاوندەوە بۆ پیاوان بەردەستە و بۆ مندالانیش نرخی 61 پاوندە.
