یاریگا –
كیلیان ئێمباپێ، ئەستێرەی هەڵبژاردەی فەڕەنسا خەونە گەورەكەی منداڵی هاتە دی و واژۆی لەسەر گرێبەستەكەی لەگەڵ ریال مەدرید كرد.
ئێمباپێ گەیشتە مەدرید و ئەمڕۆ لە ئاهەنگێكی مێژوویدا لە یاریگای سانتیاگۆ بێرنابیۆ پێشكەشی هاندەران دەكرێت.
بەیانی ئەمڕۆ سێشەممە كیلیان گەیشتە نۆرینگەی سانیتاس و پشكنینە پزیشكیەكانی لەگەڵ ریال مەدرید ئەنجامدا.
لە سەرەتایی مانگی حوزەیران ریال مەدرید بە فەرمی گرێبەستی كیلیان ئێمباپێی راگەیاند.
🚨 BREAKING: KYLIAN MBAPPE SIGNING HIS CONTRACT. pic.twitter.com/0oUzlQNKBv
— Madrid Zone (@theMadridZone) July 16, 2024
کیلیان بە گرێبەستێکی ئازاد پەیوەندی بە ریال مەدرید کرد، گرێبەستی یاریزانە تەمەن 25 ساڵانییەکە لەگەل یانەکە بۆ 5 وەرز دەبێت و تا هاوینی 2029 درێسی یانە شاهانەكە دەپۆشێت.
بەگوێرەی سەرچاوەی میدیاکانی ئەوروپا، ئێمباپێ ساڵانە لە ریال مەدرید 15 ملیۆن یۆرۆ مووچە وەردەگرێت و 100 ملیۆن یۆرۆش وەکو شیرینی گرێبەستەکەی وەردەگرێت.
🚨 BREAKING: KYLIAN MBAPPE WITH HIS SHIRT. 🤍 pic.twitter.com/6aUCpHyAkl
— Madrid Zone (@theMadridZone) July 16, 2024
ئێمباپێ لە هاوینی 2018 بەبڕی 180 ملیۆن یۆرۆ لە مۆناکۆی فەڕەنسییەوە پەیوەندی بە پاریس کرد، بە درێسی یانەکەی ئێستای لە سەرجەم پاڵەوانێتییەکاندا 308 یاری کرد، 256 گۆڵی کرد و 108 گۆڵیشی درووستکرد.
دوای حەوت ساڵ، لەکۆتاییدا چاوەڕوانی هەنادەرانی ریال مەدرید کۆتایی هات، چیرۆکە درێژەکە گەیشتە قۆناخی کۆتایی و کیلیان بەفەرمی درێسی سپی مێرێنگی بەرزكردەوە.
