تەواوی وردەکارییەکانی ئەو کچەی لەگەڵ یامال دەرکەوت ئاشکرا دەبێت

یاریگا –

تەنیا لە تەمەنی 17 ساڵیدا، لامین یامال بووەتە یەکێک لە دیارترین ئەستێرەکانی ئێستای جیهان و سەرکردایەتی هەڵبژاردەی ئیسپانیای کرد، بۆ بردنەوەی چوارەم نازناوی یۆرۆ.

یامال خەڵاتی باشترین یاریزانی لاوی یۆرۆی بەدەستهێنا و چاوەڕوانی زیاتری لە داهاتوودا لێدەکرێت.

لە کاتی ئاهەنگگێڕانی یاریزانان بە بردنەوەی نازناوەکە، کچێک بە ناوی ئەلێکس پادییا لەگەڵ یامال دەرکەوت و پێدەچێت خۆشەویستەکەی بێت.

ئەلێکس پادییا کێیە؟

ناوی کچەکە ئەلێکس پادییایە و لە بارسێلۆنا دەخوێنێت. سەرەڕای بوونی چەندین دەنگۆی جیاواز لەبارەی جۆری پەیوەندییەکەی لەگەڵ یامال، کەچی دوێنێ یەکلاییبووەوە و وەک خۆشەویستی یامال دەرکەوت.

پادییا بۆ یەکەمجار لە یارییەکی هەڵبژاردەی ئیسپانیا لەگەڵ باوکی یامال دەرکەوت، لەو رۆژەوە دەنگۆکانی سەر کچەکە دەستیانپێکرد.

تەمەنی پادییا چەندە؟

بەگوێرەی سەرچاوەی جیاوازەوە، پادییا و یامال هاوتەمەنن، پێچەوانەی ئەو دەنگۆیانەی باس لە گەورەیی تەمەنی کچە ئیسپانییەکە دەکەن، سەرباری ئەمەش، هیچ بەڵگەیەک بۆ پشتڕاستکردنەوەی دروستی تەمەنی بەردەست نییە. بەگوێرەی سیمای پادییا، پێدەچێت تەمەنی لە یامال نزیکبێت.

پادییا بە چ شتێک بەناوبانگە؟

ئەلێکس یەکێکە لە کەسایەتییە دیارەکانی پلاتفۆڕمی تیک تۆک لە ئیسپانیا و لەوەتەی وەک خۆشەویستی یامال دەرکەوتووە، ژمارەی فۆڵۆوەرسەکانی گەیشتووەتە زیاتر لە 300 هەزار. لەم لینکەوە سەردانی هەژمارەکەی بکە.

پادییا لە ئینستاگرامیش هەژمارێکی چالاکی هەبوو، بەڵام دوای بڵاوبوونەوەی دەنگۆکان، پادییا هەژمارەکەی داخست.