یاریگا –
بەشێوەیەکی چاوەڕواننەکراو مانچێستەر یونایتد گەڕانەوەی جەیدن سانچۆی بۆ مەشقەکانی یانەکە راگەیاند.
ماڵپەڕی فەرمی مانچێستەر یونایتد بڵاویکردووەتەوە، بە سەرپەرشتی ئێریک تێن هاخ هەفتەی یەکەمی مەشق و ئامادەکارییەکانی مانچێستەر یونایتد بۆ وەرزی نوێ بەردەوامە و تا ئێستا کۆمەڵێک یاریزان گەڕاونەتەوە مەشقەکان.
شەتانە سوورەکان رایانگەیاندووە هەریەکە لە یاریزانان ئاندرێ ئۆنانا، کارلۆس کاسێمێرۆ، مەیسن ماونت و مارکوس راشفۆرد لە رۆژی دووشەممەوە گەڕاونەتەوە مەشقەکانی یانەکە.
هاوکات جەیدن سانچۆ کە لە گواستنەوەی زستانەی رابردوو بەشێوەی خواستن پەیوەندی بە بۆڕووسیا دۆرتموند کرد، دوێنێ چوارشەممە گەڕاوەتەوە یانەکە، پشکنینی بۆکراوە، ئەمڕۆ پێنجشەممە لە کارینگتن لەگەڵ یاریزانانی دیکەی مانچێستەر مەشقی کردووە.
ئەمەش دوای ئەوە دەێت، یاریزانەکە وەرزی رابردوو بەهۆی تێکچوونی پەیوەندییەکانی لەگەڵ تێن هاخ لە مەشقەکانی تیپەکە دوورخرایەوە بە نەچاری یانەکەی جێهێشت.
هەر بەپێی بەیاننامەی فەرمی یانەکە، بەهۆی یارییەکانی جامی نەتەوەکانی ئەوروپا و کۆپا ئەمێریکا بەشێک لە یاریزانانی یانەکە درەنگتر لە وادەی خۆیان دەگەڕێنەوە مەشقەکان.
هاوکات یانەکە ئاماژەی بەوەشکردووە، بە تێچووی 50 ملیۆن یۆرۆ شوێنی مەشقەکانی یانەکە “کارینگتن” نۆژەنکراوەتەوە، بۆ وەرزی نوێ یاریزانەن دەتوانن سود لە ئامێر و کەرەستەی نوێ و سەردەمیانە وەربگرن.
ستافی راهێنەران نوێکرایەوە
یونایتد رێنی هاکی و رود ڤان نیستڵرۆی هێرشبەری پێشووی یانەکەی وەک یاریدەدەری ئێریک تێن هاخ دەستنیشانکردووە، تا مانگی حوزەیرانی 2026 لە ستافی راهێنەرانی یانەکە کار دەکەن.
Jadon has returned to United training at Carrington, as our pre-season work continues.#MUFC
— Manchester United (@ManUtd) July 12, 2024
