یاریگا –
رۆژ بە رۆژ ئازاری شانی بێڵینگهام زیاتر دەبێت و وابڕوات ناوەڕاستکارە لاوەکە ناچار دەبێت نەشتەرگەری بکات و دوو مانگ لە یاریگاکان ددوور بکەوێتەوە.
تۆڕی وەرزشی ریلیڤۆی ئیسپانی ئاشکرایکردووە، جود بێڵینگهام هێشتا بە دەستی ئازاری شانی دەناڵینێت و ئەگەر وا بەردەوام بێت، ناوەڕاستکارەکەی هەڵبژاردەی ئینگلتەرا ناچار دەبێت نەشتەرگەری بۆ بکرێت، کە بەمهۆیەوە پێویستی بە دوو مانگ دەبێت بۆ ئەوەی دووبارە بگەڕێتەوە یاریگاکان.
Jude Bellingham, a model of sportsmanship in victory 🙌
After beating the Netherlands, he shakes hands and hugs each of his defeated opponents before celebrating ❤️#EURO2024
🎥 @Futbolconkarma pic.twitter.com/i9w96vItun
— MARCA in English 🇺🇸 (@MARCAinENGLISH) July 10, 2024
ریلیڤۆ راشیگەیاندووە، دوای تەواوبوونی یارییەکانی یۆرۆی 2024 و گەڕانەوەی لە پشووەکەی، دەستەی پزیشکی یانەی ریال مەدرید پشکنین بۆ جود بێڵینگهام دەکەن بۆ ئەوەی لەبارەی شانی دڵنیاببنەوە، کە چەند مانگێکە ئەو یاریزانە 21 ساڵانە لە شانی تووشی پێکان بووە و نایەوێت نەشتەرگەری بۆ بکرێت و دەیەوێت بە دەرمان و چارەسەری سروشتی لەو ئازار و پێکانە رزگاری بێت.
ئەگەر بێڵینگهام نەشتەرگەری بۆ بکرێت، لە یارییەکانی دەستپێکی وەرزی نوێ بێبەش دەبێت و تاوەکو مانگی ئۆکتۆبەر/تشرینی یەکەم لە یاریگاکان دوور دەکەوێتەوە.
