جەیمس رۆدریگێز ریكۆردێكی مێژوویی مێسی شكاند
یاریگا –
جەیمس رۆدریگێزی ئەستێرەی هه‌ڵبژارده‌ی کۆڵۆمبی لە کۆپا ئەمریکا 2024 به ئاستێكی به‌رز ده‌ركه‌وتووه، سەرکردایەتی هه‌ڵبژارده‌كه‌ی کرد بۆ گه‌یشتن به یاریی كۆتایی پاڵه‌وانه‌تیه‌كه و ریكۆردێكی مێسیشی شكاند.
کۆلۆمبیا لە قۆناخی پێش کۆتایی پاڵەوانێتییە بە ئەنجامی 1-0 لە ئۆرۆگوای بردەوە، تاکە گۆڵه‌كه‌ش لەلایەن جێفرسۆن لێرمای به ئه‌سیستی رۆدریگێز تۆماركرا.
جەیمس خاوەنی ژمارەی پێوانەیی زۆرترین دروستكردنی هه‌لی گۆڵه لە یەک پاڵه‌وانێیه‌تی كه شه‌ش ئەسیستی کردووه، پێش لیۆنێل مێسی ئەرجەنتینی کەوت کە لە دوایین وه‌شانی کۆپا ئەمریکا له ساڵی 2021 توانی 5 ئه‌سیستی بۆ هاورێكانی بكات.
James Rodriguez with his SIXTH assist of Copa América!
HIS TOURNAMENT 🔥 pic.twitter.com/mSg9IJW12h
— ESPN FC (@ESPNFC) July 11, 2024
جەیمس لە کاتی بردنەوەی کۆڵۆمبیا بەرامبەر پاراگوای 2-1 دوو ئه‌سیستی كرد ، هەروەها ئه‌سیستێكیشی به‌رامبه‌ر كۆستاریكا كرد كاتیك یارییه‌كه‌یان 3-0 برده‌وه، دوو ئەسیستی له یاریی به‌رامبه‌ر په‌نه‌ما پێشكه‌شی هاورێكانی كرد كاتێك یارییه‌كان 5-0 برده‌وه، شه‌وی رابردووش ئه‌سیستی تاكه گۆله‌كه‌ی هه‌ڵبژارده‌كه‌ی به‌رامبه‌ر ئۆرۆگوای كرد.
No player has ever had more assists than James Rodriguez in a single Copa America campaign (6) 🎯👑
This is HIS tournament 🤩🇨🇴 pic.twitter.com/A79dvh8GGp
— LiveScore (@livescore) July 11, 2024
جەیمس هێشتا دەرفەتێکی باشی لەبەردەمدایە بۆ ئەوەی ژمارەی پێوانەیی خۆی زیاتر بکات، ئەگەر لە یاری کۆتایی پاڵەوانێتییەکە به‌رامبه‌ر ئەرجەنتین پاسێکی یەکلاکەرەوەی دیکە بدات.
جەیمس هەوڵدەدات سەرکردایەتی هەڵبژاردەی کۆڵۆمبیا بکات بۆ ئەوەی دووەم نازناوی كۆپا ئەمریکا بەدەستبهێنێت، دوای ئەوەی لە ساڵی 2001 نازناوی کۆپا ئەمریکایان بەدەستهێنا.
