مانچێستەر یونایتد لە یەکلاکردنەوەی یەکەم گرێبەستی ئەم هاوینە نزیک دەبێتەوە
لەگەڵ جۆشوا زیرکزی گەیشتە رێککەوتن
یاریگا –
مانچێستەر یونایتد لە یەکلاکردنەوەی یەکەم گرێبەستی ئەم هاوینە نزیک دەبێتەوە و دەیەوێت ئەستێرەیەکی لاوی سێریا ئەی بباتە ریزەکانی.
دەیڤد ئۆرنشتاین رۆژنامەنووسی بەریتانی ئاشکرایکردووە، مانچێستەر یونایتد لەگەڵ جۆشوا زیرکزی یاریزانی بۆلۆنیا گەیشتووەتە رێککەوتن و یانە ئینگلیزییەکە دەیەوێت بە زووترین کات گرێبەستەکە تەواو بکات، کە نرخی هەڵوەشاندنەوەی گرێبەستی ئەو یاریزانە هۆڵەندییە لە یانەکەی 40 ملیۆن یۆرۆیە.
🚨 Man Utd working to finalise signing of Bologna striker Joshua Zirkzee. Personal terms + agent commissions for 23yo in place. Club talks continue (#MUFC exploring whether to activate €40m clause or agree separate price) but deal now close @TheAthleticFC https://t.co/k4upEnB5NX
— David Ornstein (@David_Ornstein) July 7, 2024
پەیامنێرەکەی ماڵپەڕی ئاتلەتیک راشیگەیاندووە، زیرکزی (23 ساڵان) کە ئێستا لەگەڵ هەڵبژاردەی هۆڵەندا بەشداریی یارییەکانی یۆرۆی 2024 دەکات، لەسەر بەندە کەسییەکانی لەگەڵ مان یونایتد گەیشتووەتە رێککەوتن، تەنیا رێککەوتنی نێوان مان یونایتد و بۆلۆنیا ماوە.
زیرکزی وەرزی رابردوو لەگەڵ بۆلۆنیا 11 گۆڵ و 5 ئەسیستی کرد بەهای ئەو هێرشبەرە هۆڵەندییە لە بۆرسەی یاریزانان 50 ملیۆن یۆرۆیە.
