دی بڕۆین وادەی بڕیارە چارەنوسسازەکەی ئاشکراکرد
یاریگا –
کیڤن دی بروین ئەستێرە و کاپتنی هەڵبژاردەی بەلجیکا لە دوای دۆڕاندنەکەیان بەرانبەر فەڕەنسا لە لێدوانێکیدا بۆ میدیا، وادەی وازهێنانی لە یاریی نێودەوڵەتی ئاشکرا کرد.
دی بروین و هاوتیمەکانی بەرانبەر کەڵەشێرەکانی فەڕەنسا بە گۆڵێکی هەڵە لە ڕێگەی یان ڤیرتۆنخنەوە، ماڵئاواییان لە یۆرۆی 2024 کرد و خەونی ئەو یاریسازە ناوازە بۆ گەیشتن بە نازناوێک لەگەڵ هەڵبژاردەی وڵاتەکەی نزیک دەبێتەوە لە بەباداچوون.
دوای یارییەکە لە پرسیاری تایبەت سەبارەت بە داهاتووی لەگەڵ بەلجیکا، کیڤن وتی
جارێ زۆر زوو بۆ وەڵامدانەوەی ئەو پرسیارە. با جارێ چارەسەرێکی ئەم دۆڕاندنە بکەین. وەرزێکی زۆر درێژ بوو بۆ من، پێویستمە پشوو بە جەستەم بدەم. دوای هاوین بڕیاری خۆم دەدەم.
دی بروین کە ئێستا تەمەنی گەشتووەتە 33 ساڵ، بۆ یەکەم جار لە ساڵی 2010 یەکەمین یاری خۆی بە درێسی هەڵبژاردەکەیەوە ئەنجام دا و ئێستا کاپتنی یەکەمە.
🇧🇪 Kevin de Bruyne on his future with Belgian national team: “It's too early to answer. Let me process this loss…”.
“It's a been a very long season, I need to rest my body. I will make my decision after the summer”. pic.twitter.com/aUNDelIclR
— Fabrizio Romano (@FabrizioRomano) July 1, 2024
بەو لێدوانە، ناوەڕاستکارە بە ئەزموونەکە بەشداریکردنی لە وەشانی داهاتووی نەیشنز لیگ بە نادیاریی هێشتەوە.
