لاوتارۆ مارتینێز هۆکاری باوەشكردنى به مێسی ئاشکرا دەکات
یاریگا –
لاوتارۆ مارتینێز، ئەستێرەی هەڵبژاردەی ئەرجەنتین،ئه‌و هۆکاره‌ی ئاشكرا كرد دوای ئه‌وه‌ی گۆڵی یه‌كه‌می له پیرۆ تۆماركرد، باوه‌شی به مێسی كرد، كه بەهۆی پێکانەوە لەسەر کورسی یەدەگ بوو.
هه‌ڵبژارده‌ی ئه‌رجه‌نتین به‌ره‌به‌یانی ئه‌مرۆ به دوو گۆڵێ بێ وه‌ڵام سه‌ركه‌وتنی به‌سه‌ر پیرۆ تۆماركرد و پێشه‌نگی كۆمه‌ڵه‌ی یه‌كه‌می گرت و پیرۆش له پاڵه‌وانه‌تیه‌كه چووه ده‌ره‌وه.
هێرشبەرەكه‌ی ئینتەرمیلان لە لێدوانەکانێك دوای یارییەکە گوتی، زۆر دڵخۆشم بەو سەرکەوتنە، کار بۆ تیپەکە دەکەم، هەروەها به‌باشی کاردەکەم بۆ ئەوەی نیشانی راهێنەر بدەم، كاتیك پێویستی به‌منه ئامادەم.
ئاماژەی بەوەشکرد، گێمی یەکەم قورس بوو، بەڵام بە هێمنی کارمان کرد، من بە دڵخۆشیەوە یاریگام جێهێشت، چونکە توانیمان ئەو شتە بەدەستبهێنین کە لە ماوەی هەفتەکەدا کارمان لەسەر کرد.
Leo Messi et Lautaro Martinez 😍pic.twitter.com/ECV3jOGalA
— Inter FR (@InterMilanFRA) June 30, 2024
سەبارەت بە هۆکاری ئەوەی کە چووە لای لیۆنێل مێسی كه لەسەر کورسی یەدەگبوو بۆ ئه‌وه‌ی لە باوەشی بگرێت گوتی، بە لەبەرچاوگرتنی هەموو ئەو شتانەی بۆ ئێمەی كرد، ئەوەم کرد، به‌رده‌وام سوپاسی ده‌كه‌م.
After his goal, Lautaro Martínez immediately ran to Messi to hug him 🤗 pic.twitter.com/sSexk1eNxO
— 433 (@433) June 30, 2024
گوتیشی، ئێمە دەزانین مێسی بۆ ئێمە و بۆ کۆمەڵەکە مانای چییە، ئەو پێشەنگی ئێمەیە، ئەو ئازارێکی زۆری چەشت کە ئەمڕۆ لەگەڵمان نەبوو، هیوادارین بەم زووانە چاک بێتەوە بۆ ئەوەی بتوانین پێکەوە یاری بکەین.
مێسی رۆژی دووشەممەی رابردوو یادی 37 ساڵەی لەدایک بوونی کردەوە، پێكانه‌كه‌شی سووكه و بۆ یاریی رۆژی پێنج شه‌ممه ده‌گه‌رێته‌وه یاریگاكان.
