یاریگا –
راهێنانەکانی ئەڵمانیا گرژی و دەمەقاڵێی تێکەوت کە هەردوو یاریزان ئانتۆنی رودیگەر و نیکلاس فولکروگ رووبەڕووی یەکتر وەستاونەتەوە و، ئەگەر هاوتیمەکانیان نەبا رەنگە خراپتر روویبدایە.
وا دیارە ئەو دوو یاریزانە هێشتا هەستیاریی فیناڵی چامپیۆنزلیگ بەرینەداون و بارگاویبوونیان بە رکابەرایەتی لە یانەوە گواستوەتەوە بۆ ریزەکانی مانشافت.
هەر دوای رووداوەکە، سەرچاوەی باوەڕپێکراوی بیڵدی ئەو وڵاتە زانیاریی بڵاوکردەوە سەبارەت بەو دەمەبۆڵێکەی نێوان رودیگەر و فولکروگ بەوەی کە بەرگریکارەکەی ریاڵ مەدرید بە خۆخشاندنێکی توند (تەکڵ) لە هێرشبەرەکەی دۆرتمۆند دەدات و بەریدەداتەوە زەوی و لە جووڵەی دەخات.
هەر بەگوێرەی زانیارییەکەی بیڵد، فولکروگ بۆ ئانتۆنی هەساتەوەتەوە و پڕی داوەتێ و پاڵپاڵێن دەستپیپێکردووە تا یاریزانەکانی دیکە لێکیان جووداکردووەتەوە.
🇩🇪😠 Niclas Füllkrug and Antonio Rüdiger had to be separated in Germany training today after a heated altercation.
Füllkrug was not happy with Rüdiger after a strong tackle had him lying on the floor in a heap.
The striker got up, went towards the defender and they pushed… pic.twitter.com/Qzx4ux0vDH
— Football Tweet ⚽ (@Football__Tweet) June 10, 2024
ئەم گرژیەی نێوان ئەو دوو یاریزانە تەنها پێش چوار رۆژ دێت لە دەستپێکردنی یارییەکانی یۆرۆ کە تێیدا ئەڵمانیای میواندار لە کۆمەڵەی یەکەمە و هەڵبژاردەکانی سکۆتلەندا، سویسرا و هەنگاریا هاوگروپین.
