ساتی راگەیاندنی گرێبەستی ئێمباپێ ئاشکرابوو
یاریگا –
ساتی راگەیاندنی گرێبەستی ئێمباپێ لەلایەن ریال مەدرید ئاشکرابوو، کە زیاتر لە دوو ساڵە هەموو جیهان لە چاوەڕوانی ئەم گرێبەستەدان.
بەرنامەی ئێلچێرێنجیتۆی ئیسپانی ئاشکرایکردووە، ئەمشەو کاتژمێر 08:00 یانەی ریال مەدرید بەفەرمی گرێبەستی کیلیان ئێمباپێ رادەگەیەنێت.
🚨 OFICIAL | El FICHAJE de MBAPPÉ se hará OFICIAL a las 19:00h.
🐢 La EXCLUSIVA MUNDIAL de @jpedrerol . pic.twitter.com/CTl7Z7twlk
— El Chiringuito TV (@elchiringuitotv) June 3, 2024
جۆسێپ پێدریرۆل رۆژنامەنووسی بەناوبانگی ئیسپانی کە پێشکەشکاری بەرنامەی ئێلچێرێنجیتۆیە و هاوڕێیەکی نزیکی فلۆرێنتینۆ پێرێز سەرۆکی یانەی ریال مەدریدە، ئاشکرایکردووە ئەمشەو کاتژمێر 19:00 بە کاتی مەدرید (کاتژمێر 20:00 بە کاتی هەولێر) ریال مەدرید بەفەرمی گرێبەستی ئێمباپێ رادەگەیەنێت.
ئەمڕۆ لەکاتی سەردانی ئیمانوێل ماکرۆن سەرۆکی فڕەنسا بۆ کەمپی مەشقی هەڵبژاردەی فڕەنسا، ئێمباپێ بە سەرۆکی وڵاتەکەی گوت :’ئەمشەو گرێبەستەکەم رادەگەیەنرێت’.
کیلیان ئێمباپێ ئەم هاوینە گرێبەستەکەی لەگەڵ پاریس سانجێرمان کۆتایی هات و بە گرێبەستێکی ئازاد بۆ ماوەی پێنج ساڵ روودەکاتە ریزەکانی ریال مەدرید و هەموو جیهان چاوەڕێی هەژمارە فەرمییەکانی ریال مەدریدە لە پلاتۆفۆڕمە جیاوازەکان بۆ ئەوەی گرێبەستی ئێمباپێ رابگەیەنێت.
