ریال مەدرید گرێبەستی یاریزانێکی نوێدەکاتەوە و گرێبەستی یاریزانێکیشی دەکاتە هەمیشەیی
یاریگا –
ریال مەدریدی ئیسپانی گرێبەستی لوکاس ڤاسکێزی بەرگرتیکاری یانەکەی بۆ وەرزێکیتر نوێ کردەوە و هەروەها گرێبەستی خۆسێلۆی هێرشبەری لە خواستنەوە کردە هەمیشەیی.
هێرشبەرە تەمەن 34 ساڵەکە هاوینی رابردوو بەشێوەی خواستن لە ئیسپانیۆلەوە گەیشتە مەدرید بە نرخی سەرەتایی 500 هەزار یۆرۆ (548.22 دۆلار)، لەگەڵ بژاردەی بە هەمیشەیی کردنی گرێبەستەکە بە نزیکەی 1.5 ملیۆن یۆرۆ لە کۆتایی ئەم وەرزەدا.
ریالیش بژاردەی کرینی هێرشبەرەکەی خستووەتە بەردەم بەڕێوبەرانی یانە ئیسپانییەکە و چاوەڕێی ئەوە دەکات بەشێوەیەکی فەرمی گواستنەوەکە تەواو بکات، چونکە ئیسپانیۆل شەڕی سەرکەوتن دەکات بۆ لالیگا و دەیەوێت تا ئەو جێگایەی کە دەکرێت رێز لە مەدرید بگرێت کە پەیوەندییەکی پتەوی لەگەڵدا هەیە.
🔴 #HECHO. El Real Madrid ha decidido pagar la cláusula (1,5M) para contratar de manera permanente a Joselu Mato.
Joselu marcó 17 goles y dio 3 asistencias en poco más de 2000 minutos jugados esta temporada.
¡El héroe de la semifinal se queda!
¡MERECIDÍSIMO! ✍️⚪ pic.twitter.com/45ReCaOChr— Daguito Valdés (@daguitovaldes) June 3, 2024
ئیسپانیۆل لەم هەفتەیەدا یاریی قۆناغی پێش کۆتایی پلەی ئۆفی سەرکەوتن بۆ خولی پلە یەکی ئیسپانیا ئەنجام دەدات، بەڵام مەدرید قسەی کۆتایی لەسەر داهاتووی هێرشبەرەکە هەیە و بڕیارەکەی ئەوەیە کە یاریزانە ئیسپانییەکە لە پێکهاتەکەیدا بهێڵێتەوە.
لۆکاس ڤاسکێزی بەرگریکاریش رەزامەندی دەربڕی بۆ ئەوەی گرێبەستێکی نوێ لەگەڵ یانەکەی واژۆ بکات.
گرێبەستەکەی ڤاسکێز لەگەڵ ریال مەدرید لە کۆتایی ئەم وەرزەدا کۆتایی هات، دانوستانەکان لەگەڵ بەڕێوەبەری بەرنامەی ئەم یاریزانە بۆ واژۆکردنی گرێبەستێکی نوێ ماوەیەک لەمەوبەر لەلایەن بەڕێوەبەرانی ئەم یانەیەوە دەستیپێکردبوو بۆ ئەوەی لانیکەم وەرزێکی تر لە ریزی یانە مەدریدییەکە بمێنێتەوە.
🚨⚪️ Lucas Vázquez and Real Madrid have reached total agreement on new contract valid until June 2025.
Final meeting expected to fix details and sign the contract, same as Luka Modrić.
Vázquez, staying at Real Madrid for one more season — confirmed and here we go. pic.twitter.com/WKQcawNB6p
— Fabrizio Romano (@FabrizioRomano) June 3, 2024
لەماوەی چەند وەرزی رابردوودا ڤاسکێز بەهۆی زۆری پێکانەکانی یاریزانانی ریال مەدریدەوە توانیبووی رۆڵێکی گرنگ بۆ ئەم تیپە بگێڕێت، هەروەها بە هەوڵ و پابەندبوون و سۆزێکی زۆرەوە بۆ ریال یاریی کردبوو و ئەم رووداوەش لە چاوی بەڕێوبەرانی ئەم یانەیە نەشاردراوەتەوە.
فابریزیۆ رۆمانۆ، رۆژنامەنووسی ناسراوی ئیتاڵی، چەند کاتژمێرێک لەمەوبەر رایگەیاند، رێککەوتنی کۆتایی بۆ واژۆکردنی گرێبەستی ڤاسکێز تا هاوینی 2025 کراوە و لە مەدرید بەردەوام دەبێت.
ڤاسکێز کە لە ئەکادیمیای ریال مەدرید گەورە بووە و گەیشتووەتە تیپی یەکەم، لە ساڵی 2015ەوە لە تیپی یەکەمدایە و لەگەڵ ئەم تیپەدا چەندین سەرکەوتن و پاڵەوانێتی ئەزموون کردووە.
