تۆڕی وەرزشی یاریگا چرکە بە چرکە رووماڵی دەستنیشانکردنی هانسی فلیک، وەک راهێنەری نوێ بارسێلۆنا و ڤینسێنت کۆمپانی وەک راهێنەری نوێی بایرن میونشن دەکات. لەم ڵایڤ بڵۆگە لەگەڵمان بن و لە نوێترین زانیارییەکان دامەبڕێن.
-
ڤینسێنت کۆمپانی گەیشتە بارەگای یانەی بایرن میونشن
Update #Kompany: He arrived at Säbener Straße
@SkySportDE | @felixfischifish pic.twitter.com/lx3M7JOEKe— BenHeckner (@SkySport_Ben) May 29, 2024
-
هانسی فلیک درێسی بارسێلۆنای بەرزکردەوە
-
یەکەم لێدوانی فلیک دوای وەرگرتنی ئەرکی راهێنەرایەتی بارسێلۆنا
سەرەتا دەمەوێت سوپاسی هەموو ئەوانە بکەم کە بەشدارییان لە پڕۆسەکە کردووە، ئەمە شەڕەف و خەونێکی گەورەیە، گرێبەستێک لە بارسێلۆنا واژۆ بکەم و کار لەم یانە سەرنجڕاکێش بکەم، دڵخۆشم کارەکانم دەستپێبکەم، سەرەتا دەمەوێت ئەوە بڵێم یانەیەکی زۆر باوەڕپێنەکراوە، هەموو ئەوانەی لەم یانەیە کار دەکەن، یانەکەیان خۆش دەوێت.
هەوڵدەدەن باشترین بۆ سەرکەوتنی ئەم یانەیە پێشکەش بکەن، فەلسەفەی ئەم یانەیە زۆر لە فەلسەفەی من نزیکە، کۆنتڕۆڵکردنی تۆپ و هێرشکردن، ئەمەش ئەو شتانەیە کە حەزم لێیەتی
بارسێلۆنا یەکێک لە باشترین ئەکادیمیاکانی جیهانی هەیە، تێکەڵەیەکی زۆر باش لە نێوان یاریزانی بە ئەزموون و لاو لێرە هەیە، دەبێ یاریزانان زیاتر بەرەوپێش ببەین، ئەمەش ئەرکی ئێمەیە، بەیەکەوە لەگەڵ دێکۆ و سەرۆک لاپۆرتا ئەم کارە دەکەین، بەلای منەوە کارێکی گرنگە وەک تیم کار بکەین، دەبێ بەیەکەوە کار بکەین و گرنگی بەو شتانە بدەین کە سەرنجم لەسەر داناوە، زۆر دڵخۆشم ئەم کارە لەگەڵ ئەم کەسایەتییانە دەکەم.
هەندێ نازناوم لەگەڵ بایرن میونشن بردووەتەوە، بەڵام ئێستا برسی نازناوم، دەمەوێت لەسەر ئەم رێچکەیە لەگەڵ بارسێلۆنا بمێنمەوە، دەتوانین دەستکەوتی زۆر بەیەکەوە بەدەستبهێنین، سڵاو لە هاندەرانی بارسێلۆنا، دەمەوێت ئەم کاروانە لەگەڵ ئێوە دەستپێبکەم، بەلای منەوە شتێکی گرنگە، ئێوە پاڵپشتیمان بکەن ئەمە شتێکی زۆر گەورەیە بۆ تیمەکەمان، بڕوام وایە بەیەکەوە دەتوانین لەگەڵ ئەم تیمە گەورەیە دەستکەوتی گەورە بەدەستبهێنین، بژی بارسا.
-
لاپۆرتا دوای واژۆکردنی گرێبەستەکەی فلیک بارەگای بارسێلۆنای بەجێهێشت
-
ڤیدیۆی واژۆکردنی گرێبەستەکە لەلایەن هانسی فلیک و خوان لاپۆرتا
بارسێلۆنا ڤیدیۆی ساتی واژۆکردنی گرێبەستەکەی هانسی فلیکی لەگەڵ بارسێلۆنا بڵاوکردووەتەوە، کە بەگوێرەی بەیاننامەکەی یانە کەتەلۆنییەکە گرێبەستەکەی راهێنەرە ئەڵمانییەکە تاوەکو هاوینی 2026 دەبێت.
It’s official!
FLICK UNTIL
pic.twitter.com/t1rSNwjYJq— FC Barcelona (@FCBarcelona) May 29, 2024
-
فلیک بە شتیگن و لیڤاندۆڤسکی و گۆندوگان شاد دەبێتەوە
هانسی فلیک پێشتر لە بایرن میونشن و ئەڵمانیا راهێنەرایەتی هەریەکە لە مارک ئاندرێ تێرشتیگن و رۆبێرت لیڤاندۆڤسکی و ئیلکای گۆندوگان کردووە.
Hansi Flick is reunited with some familiar faces at Barça
pic.twitter.com/I4NDYOSDEl— 433 (@433) May 29, 2024
-
هانسی فلیک و خوان لاپۆرتا و پینی زاهاڤی (بەڕێوەبەری کارەکانی فلیک)
-
بارسێلۆنا ئاماژەی بە دۆڕانە گەورەکەی بەرامبەر بایرن میونشن کردووە
بارسێلۆنا لە هەوالێ راگەیاندنی گرێبەستی هانسی فلیک ئاماژەی بەو دۆڕانە گەورە کردووە کە لەسەر دەستی هانسی فلیک وەکو راهێنەری بایرن میونشن ساڵی 2020 روویدا، باڤارییەکان لە چامپیۆنزلیگ بە ئەنجامی 8-2 لە بارسایان بردەوە.
هانسی فلیک راهێنەری بایرن میونشن بوو کاتێک یانە باڤارییەکە بۆ دووەمجار لە مێژووی یانەکە سیانەی بەدەستهێنا، کە لەو وەرزەدا لە چامپیۆنزلیگ 8-2 لە بارسێلۆنایان بردەوە و دووچاری دۆڕانێکی بە ئازار بووین. ئەوکات راهێنەرە ئەڵمانییەکە لەلایەن فیدراسیۆنی تۆپی پێی ئەوروپا بە باشترین راهێنەری ساڵ دەستنیشانکرا.
-
یەکەم دەرکەوتنی هانسی فلیک لەگەڵ خوان لاپۆرتا
-
ڤینسێنت کۆمپانی گەیشتە میونشن
کەمێک لەمەوبەر ڤینسێنت کۆمپانی راهێنەری بەلجیکی بۆ واژۆکردنی گرێبەستەکەی و وەرگرتنی ئەرکی راهێنەرایەتی یانەی بایرن میونشنی ئەڵمانی گەیشتە فڕۆکەخانەی میونشن.
View this post on Instagram -
بەیاننامەی فەرمی بارسێلۆنا لەبارەی هانسی فلیک
یانەی بارسێلۆنا لەگەڵ هانسی فلیک راهێنەری ئەڵمانی گەیشتنە رێککەوتن بۆ ئەوەی راهێنەرە ئەڵمانییەکە تاوەکو 30ـی یۆنیۆ/حوزەیرانی 2026 ئەرکی راهێنەرایەتی تیپی تۆپی پێی یانەکە بگرێتە ئەستۆ.
راهێنەری نوێێ یانەکەمان لە بارەگای یانەکەمان بە ئامادەبوونی خوان لاپۆرتا سەرۆکی یانە، رافا یوستی جێگری سەرۆکی یانە و دیکۆ بەڕێوەبەری وەرزشی یانەکەمان واژۆی لەسەر گرێبەستەکەی کرد.
-
رەوەز ئەحمەد باسی دیارترین خەسڵەتەکانی هانسی فلیک دەکات
-
هانسی فلیک چارەکێکی مووچەکەی چاڤی هێرناندێز وەردەگرێت
هانسی فلیک بەهۆی لەبەرچاوگرتنی دۆخی دارایی بارسێلۆنا، نەک نیوەی مووچەی چاڤی هێرناندێز وەرناگرێت، بەڵکو زۆر لەوەش کەمتر وەردەگرێت، بەڵام بەڵێنی پاداشتی دارایی گەورەی پێدراوە.
رۆژنامەی سپۆرتی کەتەلۆنی ئاشکرایکردووە، هانسی فلیک رازی بووە بەهۆی خراپی دۆخی دارایی یانەی بارسێلۆنا، مووچەیەکی کەم وەربگرێت، بەگوێرەی گرێبەستەکەی کە بۆ ماوەی دوو ساڵ دەبێت، راهێنەرە ئەڵمانییەکە ساڵانە سێ ملیۆن یۆرۆ مووچە وەردەگرێت، بەڵام دوای لێدەرکردنی باج و پابەندە داراییەکان تەنیا 1.5 ملیۆن یۆرۆ وەردەگرێت.
رۆژنامە کەتەلۆنییەکە ئاشکرایکردووە، بەگویرەی گرێبەستەکەی فلیک ئەگەر نازناوی چامپیۆنزلیگ بۆ بارسێلۆنا بەدەست بهێنێت ئەوا بە ملیۆنێک یۆرۆ پاداشت دەکرێت، ئەگەر نازناوی لالیگاش بباتەوە یانە کەتەلۆنییەکە بە 750 هەزار یۆرۆ پاداشتی دەکاتەوە.
چاڤی هێرناندێز پێش لێدەرکردنی باج ساڵانە 12 ملیۆن یۆرۆ مووچەی وەردەگرت و وا چاوەڕێ دەکرا هانسی فلیک 6 ملیۆن یۆرۆ پێش لێدەرکردنی باج وەربگرێت، واتە نیوەی مووچەکەی چاڤی، بەڵام رۆژنامەی سپۆرت ئاشکرایکردووە راهێنەرە ئەڵمانییەکە تەنیا چارەکێکی مووچەکەی فلیک وەردەگرێت.
-
یەکەم دەرکەوتنی هانسی فلیک لە بارسێلۆنا
یانەی بارسێلۆنا لە پلاتفۆڕمە جیاوازەکانیدا بە ڤیدیۆیەک هانسی فلیک راهێنەری نوێی یانەکەی پیشان داوە، کە راهێنەرە ئەڵمانییەکە بۆ ماوەی دوو ساڵ ئەرکی راهێنەرایەتی بلاوگرانا دەگرێتە ئەستۆ.
It’s our moment.
Flick is here. pic.twitter.com/ysb35a6l35— FC Barcelona (@FCBarcelona) May 29, 2024
-
فلیک و بەڕێوەبەری کارەکانی لە بارەگای یانەی بارسێلۆنان
میدیاکانی ئیسپانیا وێنە و ڤیدیۆی پینی زاهاڤی بەڕێوەبەری کارەکانی هانسی فلیکیان بڵاوکردووەتەوە و رایانگەیاندووە، فلیک و بەڕێوەبەری کارەکانی لە بارەگای یانەی بارسێلۆنان و فۆتۆشووتی راهێنەرە ئەڵمانییەکە دەگیرێت بۆ ئەوەی ئامادەکاریی بۆ ناساندنی راهێنەرە نوێیەکەی یانەکە بکرێت.
Se marcha Pini Zahavi (agente de Hansi Flick) con el contrato de Flick firmado hasta 2026Todo ok, falta el comunicado oficial pero Flick ya es entrenador del Barça #fcblive pic.twitter.com/dST9fj0Zm1
— Víctor Navarro (@victor_nahe) May 29, 2024
-
فابریزیۆ رۆمانۆ: هانسی فلیک گرێبەستەکەی واژۆ کرد
فابریزیۆ رۆمانۆ رۆژنامەنووسی ئیتاڵی چەند کاتژمێرێک لەمەوبەر ئاشکرایکرد، هانسی فلیک واژۆی لەسەر گرێبەستەکەی بارسێلۆنا کردووە و بەفەرمی بۆ ماوەی دوو ساڵ دەبێتە راهێنەری یانەکە، چاوەڕێی راگەیاندنی هەڵوەشاندنەوەی گرێبەستی چاڤی هێرناندێز دەکرێت، بۆ ئەوەی گرێبەستەکەی فلیکیش رابگەیەنرێت.
-
بەیاننامەیەک لە بارسێلۆنا
بارسێلۆنا بەیاننامەیەکی لەبارەی هەڵوەشاندنەوەی گرێبەستی دەستەی راهێنەرانی پێشوو بڵاوکردەوە.
بە رێککەوتن و رەزامەندیی هەردوولا گرێبەستی چاڤی هێرناندێز و یاریدەدەرەکانیمان هەڵوەشاندەوە و سوپاس و پێزانینمان بۆ کارەکانیان هەیە کە لەو ماوەیە لە یانەکەمان کاریان کردووە.
-
بارسێلۆنا بە تویتێک گرێبەستی هانسی فلیکی راگەیاند
بارسێلۆنا لە هەژمارەکانی خۆی لە سۆشیاڵ میدیا وەکو هێمایەک بۆ گرێبەستی هانسی فلیک گەڕانی بۆ وشەی تۆپی پێ کردووە بە زمانی ئەڵمانی.
