یانەی ئیتیحاد جارێکیتر راهێنەر دەگۆڕێت و مارسێلۆ گالاردۆ لە کۆتایی وەرز یانەکە جێدەهێڵێت.
ئیتیحاد پارساڵ ناسناوی خولی سعوودی بەدەستهێنا بەڵام لەم وەرزەدا بە سێ هەفتە بەر لە کۆتایی خولەکە لە پلەی پێنجەم دایە و لە کۆتا سێ یاریدا سەرجەمییانی دۆڕاندووە.
ئیتیحاد لە دۆخێکی باشدابوو لەگەڵ نونۆ سانتۆسی راهێنەری پۆرتوگالی و ئەو راهێنەرە توانیبووی بە تێكڕای 2.26 خاڵ بەدەست بهێنێت لە هەر یارییەکەدا، بەڵام پارساڵ مانگی 11 بەهۆی کێشەکانی ئەو راهێنەرە لەگەڵ کەریم بەنزیمە لە پۆستەکەی دوورخرایەوە.
گۆڕینی راهێنەر دۆخی ئیتیحادی باشتر نەکرد و گالاردۆ توانی بە تێکڕای تەنها 1.5 خاڵ کۆبکاتەوە بۆ هەر یارییەک.
