ئیسپانیابازاڕی گواستنه‌وه‌گرنگترین
بەفەرمی بارسێلۆنا گرێبەستی کوبارسی نوێکردەوە
یاریگا –
بەشێوەیەکی فەرمی یانەی بارسێلۆنا گرێبەستی کوبارسی نوێکردەوە.
کەمێک لەمەوبەر ماڵپەڕی فەرمی بارسێلۆنا بڵاویکردەوە، بەشێوەیەکی فەرمی گرێبەستی پاو کوبارسی، بەرگریکاری لاوی تیپەکەیان تا هاوینی ساڵی 2027 نوێکردووەتەوە.
هاوکات یانە کاتالۆنییەکە مەرجی هەڵوەشاندنەوەی گرێبەستی یاریزانە تەمەن 17 ساڵانییەکەی بۆ بڕی 500 ملیۆن بەرزکردووەتەوە.
💙 𝐂𝐔𝐁𝐀𝐑𝐒𝐈́ 𝟐𝟎𝟐𝟕 ❤️ pic.twitter.com/HFrpRnphE9
— FC Barcelona (@FCBarcelona_es) May 9, 2024
کوبارسی لەم وەرزە لەسەر دەستی چاڤی هێرناندێز لە تیپی لاوان سەرخرا بۆ تیپی یەکەمی یانەکە، توانی ئاستێکی بەرز پێشکەش بکات و جێگای خۆی لە پێکهاتەی سەرەکی تیپەکە بکاتەوە.
پاو لەم وەرزە لە سەرجەم پاڵەوانێتییەکان بە درێسی یانە کاتالۆنییەکە بەشداری 20 یاریی کردووە و یەک گۆڵیشی درووستکردووە.
