یاریگا –
بێرناردۆ سیلڤا وادەیەکی بۆ مانچێستەر سیتی داناوە تا داهاتووی بە لایەکدا بخرێت بۆ مانەوەی لە یانەکەی.
بەگوێرەی زانیارییەکانی ماڵپەڕی 90minی وەرزشی، دەیەوێ یانەکەی لە کۆتاییەکانی یۆرۆی 2024 چارەسەرێک بۆ داهاتووی بدۆزێتەوە لە گەرمەی ئەو دەنگۆیانەی دەیبەستێتەوە بە بارسێلۆناوە.
🚨 Manchester City's Bernardo Silva wants his future resolved by the end of EURO 2024 amid continuing links to Barcelona.
He has a £50m release clause in his contract.
(Source: 90min) pic.twitter.com/b8jwgtEH2a
— Transfer News Live (@DeadlineDayLive) May 8, 2024
هەر بەپێی ئەو سەرچاوەیە، ئەستێرە پورتوگالییەکە بڕی 50 ملیۆن پاوەند لە هەڵوەشاندنەوەی گرێبەستەکەیدا هەیە بۆ هەر یانەیەک بیەوێت بیگوازێتەوە.
مانگی رابردوو رۆژنامەکانی ئینگلتەرا بڵاویان کردەوە کە سیلڤا پرسیاری لە هەریەکە لە جواو کانسێلۆ و جواو فێلیسکی هاونیشتیمانی کردووە سەبارەت بە بارسێلۆنا و ژیانکردن لەو شارە.
ناوبراو گرێبەستی تا هاوینی 2026 لەگەڵ سیتی هەیە، بەڵام 50 ملیۆن پاوەند دەتوانێت هەڵیبوەشێنێتەوە.
یۆرۆی 2024ی ئەڵمانیا لە 14ی مانگی داهاتوو دەستپێدەکات و مانگێک دەخایەنێت. کە ئەوەش گەرمەی بازاڕی گواستنەوەی یاریزانانە.
