یاریگا –
فلۆرێنتینۆ پێرێز، سەرۆکی ریال مەدرید لە شکاندنی ژمارەکانی پێوانەیی ناوەستێت.
دوای ئەوەی ریال مەدرید، نازناوی ئەم وەرزەی لالیگای یەکلاییکردەوە، ژمارەی نازناوەکانی پێرێز بۆ 34 بەرزبووەوە.
پێرێز دەرفەتێکی زێڕینی لەبەردەمە، تاوەکو ژمارەی نازناوەکانی بەرزبکاتەوە، بەڵام پێویستە سەرەتا لە یاری گەڕانەوەی قۆناخی پێشکۆتایی لە بایرن میونشن بباتەوە.
سەرۆکی مێژوویی مەدرید
هەرچەندە سانتیاگۆ بێرنابیۆ، سەرۆکی مێژوویی مەدرید کە یاریگاکەشی بەناوە، لە ماوەی 35 ساڵدا 32 نازناوی لەگەڵ مەدرید بەدەستهێنا، بەڵام پێرێز ژمارەکەی شکاند و ئێستا خاوەن زۆرترین نازناوە.
پێرێز لە ساڵی 2000 تاوەکو 2006 ویلایەتی یەکەمی سەرۆکایەتی بوو، لەو ماوەیەدا ئەستێرە گەورەکانی تۆپی پێی لە مەدرید کۆکردەوە. لە ویلایەتی دووەمی وەک سەرۆکی یانەکەدا، لە ساڵی 2009 پۆستەکەی وەرگرتەوە و لەو ساتەوە، سەرۆکایەتی یەکێک لە باشترین یانەکانی جیهان دەکات.
نازناوەکانی پێرێز لەگەڵ مەدرید
- خولی ئیسپانیا: 7x
- جامی شای ئیسپانیا: 3x
- چامپیۆنزلیگ: 6x
- جامی سوپەری ئیسپانیا: 7x
- جامی سوپەری ئەوروپا: 5x
- مۆندیالی یانەکان: 5x
- جامی ئینتەرکۆنتینێنتاڵ: 1x
نازناوەکانی سانتیاگۆ بێرنابیۆ
- خولی ئیسپانیا: 16x
- جامی شای ئیسپانیا: 6x
- چامپیۆنزلیگ: 6x
- جامی لاتین: 2x
- جامی ئێڤا دوارتێ: 1x
