یاریگا –
هێشتا وەرزەکە کۆتایی نەهاتووە و لیڤەرپوول ئامادەکاریی دەکەن بۆ گواستنەوەی نوێ بۆ راهێنەرە نوێیەکان، ئاڕنی سڵۆت، کە چاوەڕوان دەکرێت لە چەند رۆژی داهاتوودا وەک راهێنەری ڕێدز بناسێنرێت.
بە گوێرەی زانیارییەکانی سپۆرت مێدیاسێتی ئیتاڵی، یەکەم گواستنەوەی لیڤەرپوول لە بازاڕی هاوینە، تیون کوپمینێرزی یاریزانی ئەتاڵەنتای سێریائەی دەبێت.
— SPORTbible (@sportbible) April 30, 2024
ناوەڕاستکارە هۆڵەندییەکە ئەم وەرزە درەوشاوەتەوە. رەگەزێکی دیاری یانە ئیتاڵییەکە لە کردنەدەرەوەی لیڤەرپوول لە یۆرۆپالیگ و گەشتنیان بە چوارگۆشەی زێڕین و لە جامی ئیتاڵیایش گەشتووەتە یاریی کۆتایی بەرانبەر یوڤێنتوس
هەر بەپێی ناوەڕۆکی هەواڵی سەرچاوە ئیتاڵییەکە، نرخی تیون 50 ملیۆن پاوەند دەبێت.
ناوبراو رەنگە دەستەگوڵی سڵۆت بێت، بەوپێیەی وەزری 2019/20 لەژێر سەرپەرشتی راهێنەرە هۆڵەندییەکەدا لە یاریی کردووە لە ریزەکانی ئالکمار.
یاریزانە 26 ساڵانەکە لەم وەرزەدا لەسەرجەم پاڵەوانێتیەکاندا 14 گۆڵ و 5 ئەسیستی هەیە.
