مانەوەی چاڤی داهاتوویی رۆبێرتۆ دەگۆڕێت
یاریگا –
بەهۆی بڕیارەکەی چاڤی هێرناندێز، سێرجی رۆبێرتۆ لە بارسێلۆنا دەمێنێتەوە.
دوێنێ چوارشەممە، لە کۆبوونەوەی نێوان چاڤی و خوان لاپۆرتا، راهێنەرە ئیسپانییەکە بڕیاریدا بارسێلۆنا جێنەهێڵێت، ئەمەش دوای ئەوەی ناوبراو لە ماوەی رابردوو بڕیاریدابوو لە کۆتایی وەرزەکە دەست لە پۆستەکەی بکێشێتەوە.
رۆژنامەنووسی ئیتاڵی، فابریزیۆ رۆمانۆ بڵاویکردووەتەوە، بەم زووانە بارسێلۆنا لەگەڵ رۆبێرتۆ گفتوگۆی نوێکردنەوەی گرێبەستەکەی دەکات، چوونکە چاڤی بە یاریزانێکی گرنگی دەزانێت و نایەوێت دەستبەرداری ببێت.
🔵🔴 Barcelona will discuss Sergi Roberto's contract again soon as Xavi considers him an important player on the pitch and in the dressing room.
After initial round of talks, Sergi's camp and Barça will talk again but there are chances for him to stay again. pic.twitter.com/FzhAHeFDD3
— Fabrizio Romano (@FabrizioRomano) April 25, 2024
ئەمەش لەکاتێکدایە پاش ئەوەی راهێنەرەکەی بارسا بڕیاریدابوو لە کۆتایی وەرز ماڵئاوایی بکات، رۆیشتنی رۆبێرتۆش بووبووە نیمچە فەرمی، بەڵام بە مانەوەی چاڤی، مانەوەی رۆبێرتۆش مسۆگەر دەبێت.
بەرگریکارە تەمەن 32 ساڵانییەکە نزیکەی 20 ساڵە لە بارسێلۆنایە، یاری بۆ سەرجەم تیپە جاوازەکانی یانە کاتالۆنییەکە کردووە.
