یاریگا –
بارسێلۆنا ئۆفەرێکی سەرنجڕاکێشی پێشکەشی پاو کوبارسی کردووە و دەیەوێت بە زووترین کات گرێبەستەکەی نوێ بکاتەوە.
فابریزیۆ رۆمانۆ رۆژنامەنووسی دیاری گواستنەوەکان روونیکردووەتەوە، بارسا ئۆفەرێکی خستووەتە بەردەم کوبارسی و مەرجی هەڵوەشاندنەوەی گرێبەستەکە دەگاتە یەک ملیار یۆرۆ.
یانە کاتالۆنییەکە دەیەوێت بەر لە کۆتایی هاتنی ئەم وەرزە، گرێبەستی کوبارسی نوێبکاتەوە و پارێزگاری لە بەرهەمی ئەکادیمیاکەی بکات.
🚨🔵🔴 Understand Barcelona have already sent new contract proposal to Pau Cubarsí.
Long term deal offered with salary increase; Cubarsí, key part of plans.
🔐 New contract also includes €1B release clause.
Barça hope to get it done before the end of the season. pic.twitter.com/PvaleNzQxs
— Fabrizio Romano (@FabrizioRomano) March 29, 2024
کوبارسی بەرهەمێکی نوێی ئەکادیمیای لا ماسیایە و لە ماوەی رابردوو ئاستێکی سەرنجڕاکێشی لەگەڵ بارسا پێشکەشکردووە.
بەهۆی کێشەکانی داراییەوە، بارسا پشتی بە بەرهەمەکانی ئەکادیمیاکەی بەستووە و ئێستا هەریەکە لە پێدری، گاڤی، لامین یامال و کوبارسی، دیارترین ئەو یاریزانانەن بەرهەمی لا ماسیان و لە پێکهاتەی سەرەکی چاڤی یاری دەکەن.
هەرچەندە کوبارسی لە تەمەنی حەوت تاوەکو 11 ساڵان لە ئەکادیمیای جیڕۆنا بووە، بەڵام دواتر پەیوەندی بە بارسێلۆنا کرد و لەم وەرزەدا بەشداری لە 13 یاریدا کردووە.
ئەمشەو بارسێلۆنا یارییەکانی لالیگا دەستپێدەکاتەوە و میوانداری لاس پاڵماس دەکات و چوارشەممە لە قۆناخی هەشتی چامپیۆنزلیگ دەبێتە میوانی پاریس سانجێرمان.
