نێیمار دەگەڕێتەوە بارسێلۆنا
یاریگا –
هیوای گەڕانەوەی نێیمار دا سیلڤای بەرازیلی بۆ بارسێلۆنا زیندوو دەبێتەوە.
ماڵپەڕی فووتبۆڵ ئیسپانیا بڵاویکردووەتەوە، نێیمار دا سیلڤا هیوای گەڕانەوەی بۆ بارسێلۆنا لەدەستنەداوە و ئەگەری هەیە ئەستێرە بەڕازیلییەکە بگەڕێتەوە کاتالۆنییا.
President Laporta regularly speaks with Neymar Jr., and there is a desire from the Al-Hilal forward to join Barcelona once his spell in Saudi Arabia finishes. https://t.co/SrU7C3bF4b
— barcacentre (@barcacentre) March 27, 2024
گرێبەستەکەی نێیمار لە هاوینی 2025 لەگەڵ یانەی هیلالی سعودی بەسەردەچێت، ئەوکات یاریزانەکە دەتوانێت بە گرێبەستێکی ئازاد بگەڕێتەوە بارسێلۆنا.
هەر بەپێی زانیارییەکانی فووتبۆڵ ئیسپانیا، یاریزانەکە و خوان لاپۆرتای سەرۆکی بارسێلۆنا پەیوەندییەکی باشیان هەیە، بەردەوام بەیەکەوە قسە دەکەن.
نێی بە سەرۆکەکەی بارسای گوتووە کە گرفتی پارەی نییە، تەنیا دەیەوێت یاری بۆ یانەکە بکاتەوە، ئامادەیە بەشێوەیەکی بەرچاو مووچەکەی کەمبکرێتەوە.
ئەستێرەکەی سامبا دەیەوێت لە 2025 بگەڕێتەوە بارسێلۆنا و بە تەواوی خۆی بۆ مۆندیالی 2026 ئامادە بکات.
