ئەنجامی تیروپشكی قۆناخی چارەكی كۆتایی چامپیۆنزلیگ
رووبەرووبوونەوەی ئاگرین..
یاریگا –
تیروپشكی قۆناخی چارەكی كۆتایی خولی یانە پاڵەوانەكانی ئەوروپا راكێشرا و تێیدا رووبەڕووبوونەوەی ئاگرین روویدا.
كەمێك پێش ئێستا لە نیۆنی سویسرا، تیروپشكی یارییەكانی قۆناخی چارەكی كۆتایی خولی یانە پاڵەوانەكانی ئەوروپا بە بەشداری هەشت یانە راكێشرا.
Quarter-final, semi-final and final draws: all you need to know 🗒️#UCLdraw
— UEFA Champions League (@ChampionsLeague) March 15, 2024
هەریەك لە یانەكانی ریال مەدرید، بایرن میونشن، مانچێستەر سیتی، بارسێلۆنا، بۆرووسیا دۆرتمۆند، ئارسیناڵ، پاریس سانجێرمان و ئاتلێتیكۆ مەدرید توانیویانە خۆیان بگەیەننە ئەو قۆناخە.
لە تیروپشكەكەدا، جگە لە چارەکی کۆتایی تیروپشکی قۆناخی پێش کۆتایی و یاریی کۆتاییش راكێشرا، بەگوێرەی یاسای پاڵەوانێتییەکە یانەکان دەتوانن بەر یەکتری بکەون، هەر یانەیەک سەرەتا ناوی رابکێشرێت ئەوا لە قۆناخی چارەکی کۆتایی یاریی گەڕانەوە لە دەرەوەی یاریگای خۆی دەبێت و یاریی چوون لە یاریگای ئەو دەبێت.
خشتەی یارییەکانی قۆناخەکانی داهاتوو:
یارییەکانی چوونی قۆناخی چارەکی کۆتایی رۆژانی 9 و 10ـی ئەپرێل/نیسان دەکرێن، یارییەکانی گەڕانەوەی قۆناخەکەش رۆژانی 16 و 17ـی هەمان مانگ دەکرێن.
یارییەکانی چوونی قۆناخی پێش کۆتایی رۆژانی 30ـی ئەپرێل/نیسان و 1ـی مایۆ/ئایار دەکرێن، یارییەکانی گەڕانەوەش رۆژانی 7 و 8ـی مایۆ/ئایار دەکرێن، یاریی کۆتاییش رۆژی 1ـی یۆنیۆ/حوزەیران لە یاریگای وێمبلی لە لەندەن دەکرێت.
ئەنجامی تیروپشكی قۆناخی 8ـی چامپیۆنزلیگ:
- ئارسیناڵ vs بایرن میونشن
- ئاتلێتیكۆ مەدرید vs بۆرووسیا دۆرتمۆند
- ریال مەدرید vs مانچێستەر سیتی
- پاریس سانجێرمان vs بارسێلۆنا
قۆناخی پێش كۆتایی چامپیۆنزلیگ:
براوەی یاری نێوان ئاتلێتێكۆ مەدرید و بۆرووسیا دۆرتمۆند بەرامبەر براوەی نێوان پاریس سانجێرمان و بارسێلۆنا یاری دەكات.
براوەی یاری نێوان ریال مەدرید و مانچێستەر سیتی بەرامبەر براوەی نێوان بایرن میونشن و ئارسیناڵ یاری دەكات.
