یاریگا –
یانەی ریال مەدریدی ئیسپانی هەواڵێكی خۆشی بە گەڕانەوەی ئیدێر میلیتاوی بەڕازیلی و بەرگریكاری یانەكەی پێگەیشت.
لە سەرەتایی وەرزەوە ئیدێر میلیتاو تووشی پچڕانی بەستەرەكانی ئەژنۆی بوو بەهۆیەوە نەشتەرگەری بۆ كرا.
چاوەڕوان دەكرێت سبەی چوارشەممە كاتژمێر 23:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری لایپزیگ بكات، لە میانی یاری گەڕانەوەی قۆناخی شازدەی خولی یانە پاڵەوانەكانی ئەوروپا.
➡️⚽⬅️
📺 INSIDE TRAINING 👉 #RMPlay— Real Madrid C.F. (@realmadrid) March 4, 2024
هەژماری فەرمی ریال مەدرید گەڕانەوەی ئیدێر میلیتاوی بۆ راهێنانە بەكۆمەڵەكان راگەیاند بۆ یەكەمجار لە دوای پچڕانی بەستەرەكانی ئەژنۆیەوە.
بەپێی زانیارییەكانی رۆژنامەكانی ئیسپانیا چاوەڕوان دەكرێت لە سەرەتایی مانگی داهاتووەوە ئیدێر میلیتاو بە شێوەیەكی ئاسایی بەشداری لە یارییەكاندا بكات.
